श्रीमतीसँग झगडा गरी महोत्तरीमा एकजना व्यक्तिले आत्महत्या गरेका छन्। महोत्तरी सुन्दरपुर–७ का ५० वर्षीय रामआधार यादवले गएराति विष सेवन गरी आत्महत्या गरेका हुन्।
श्रीमतीसँग बारम्बार घरायसी विवादका कारण झगडा हुने गरेपछि तनावमा आएर यादवले गतराति ९ बजेको समयमा आत्महत्या गरेको इलाका प्रहरी कार्यालय गौशालाले जनाएको छ।
यादवले विष सेवन गरेको थाहा पाएपछि उपचारका लागि गौशाला ल्याउने क्रममा बाटोमा मृत्यु भएको प्रहरीले जनाएको छ।
यसभन्दा अगाडि पनि बारम्बार श्रीमान् र श्रीमतीबीच झगडा हुँदै गरेको स्थानीयवासीले बताएका छन्। शव परीक्षण गर्नका लागि प्राथामिक स्वास्थ्य केन्द्र गौशालामा राखिएको प्रहरी निरीक्षक रमेश सुवेदीले जानकारी दिए। रासस
