एप्पल कप्पनीका सिइओ टिम कुकले आफूलाई समलिंगी भएको सार्वजनिक रुपमै स्वीकारेका छन्। उनले भगवान दिएको सुन्दर उपहारका रूपमा आफूलाई ब्याख्या गर्दै आफू समलिंगी भएको खुलासा गरेको हुन्।
यसअघि कहिले पनि समलिंगी भएको अस्विकार नगरे पनि उनले सार्वजनिक रुपमा सललिंगी भएको खुलासा गरेको यो पहिलो अवसर हो।
आफू समलिंगी भएकोबारेमा उनले ब्लुमबर्गमा एउटा लेख पनि लेखेका छन्। ‘म समलिंगी हुनुमा गर्व गर्छु’ कुकले बिहिबार भने, ‘मेरो कम्पनीमा धेरैलाई म समलिंगी हो भन्ने थाहा छ, तर उनीहरुको व्यवहारमा कुनै बदलाव आएको छैन।’
२०११को अगष्टमा स्टिभ जब्सको निधनपछि ५३ वर्षीय कुकले कुकले आफ्नो यौन प्रवृत्तिको बारेमा सार्वजनिक रुपमा कहिले पनि कसैसँग खुलेर कुरा गरेका थिएनन। पछिल्लो वर्ष कुुकलाई आउट पत्रिकाको सन् २०१३ पावर लिष्टमा सबैभन्दा प्रभावशाली एलजीबीटी (लेस्बियन, गे, बाइसेक्सुअल र ट्रान्सजेन्डर) व्यक्तित्व बताइएको थियो।
