अमेरिकामा आएर वकालत गर्ने पहिलो नेपाली अधिवक्ता खगेन्द्र क्षेत्री अमेरिकाको सुपर लयर समूहमा पर्न सफल भएका छन्। न्युयोर्कमा रहेर वकालत पेशामा सकृय रहेका क्षेत्री सुपर लयर २०१४ मा पर्न सफल भएका छन्। क्षेत्री अमेरिकामा रहेका वकिलहरु मध्येबाट सुपर लयर छनोटपछि सार्वजनिक गरिएको सूचीमा पर्न सफल भएका छन्।
पत्रिकाले कार्यसम्पादन, अध्ययन लगायतका विभिन्न विषयलाई आधार मानेर सुपर लयर छनोट गर्दछ। विभिन्न ७० क्षेत्रका वकिलहरु मध्येबाट उत्कृष्ट लयर छान्ने यो पत्रिकाको छनोटमा नेपाली मूलका अधिवक्ता क्षेत्री इमिग्रेसन क्षेत्रका अधिवक्ता तर्फबाट सुपर लयरमा पर्न सफल भएका हुन्। नेपालको गुल्मी जिल्लामा जन्मेका अधिवक्ता क्षेत्रीले कोलम्बिया युनिभर्सिटीबाट एलएलएम र फोरदम युनिभर्सिटीबाट जेडी गरेका छन्।
२५ वर्ष भन्दा धेरै समयसम्म वकालत गरेका क्षेत्रीले सुपर लयरमा परिसके पश्चात खुसी व्यक्त गरेका छन्। सुपर लयर समूहमा परे पश्चात आफूलाई कार्य सम्पादनमा थप हौसला प्राप्त भएको क्षेत्रीले बताए। ह्वाईट हिमाल टेलिभिजनको साप्ताहिक कार्यक्रम ल एण्ड लएर मार्फत अमेरिकामा रहेका नेपालीहरुलाई इमिग्रेशन कानुन सम्बन्धी बिभिन्न जानकारी समेत दिदै आएका क्षेत्री ह्वाईट हिमाल टेलिभिजनको बिशिष्ट सदस्य समेत हुन्। सुपर लयरमा पर्न सफल क्षेत्री एनआरएन अमेरिकाको अध्यक्ष समेत हुन्।
