बीरगन्जमा दिपावलीको दियोबाट विहिबार आगलागी हुँदा लाखौको क्षति भएको छ।
बीरगन्जको आदर्शनगरस्थित गणपति बनस्पती प्रा.लिको कार्यालयमा बिहीबार राति आगलागि हुँदा लाखौको क्षति भएको हो। साँझ साढे ६ बजेको समयमा गणपती प्रा.लिका संचालक सतिश अग्रवालले दिपावलीको पुजा अर्चना गरे पश्चात पुजामा बालेर राखिएको दियोबाट आगो सल्किएर आगलागी भएको प्रहरीको प्रारम्भीक अनुमान छ।
बीरगंज उपमहानगरपालिका र कलैयाबाट आएको बारुणयन्त्रले एक घन्टापछि आगो नियन्त्रणमा लिएको थियो। घटनाको बारेमा अनुशन्धान भइरहेको र आगलागीबाट के कति क्षति भएको भने यकिन हुन नसकेको प्रहरीले जनाएको छ।