नक्कली फेसबुक अकाउन्टबाट युवतीको नग्न तस्विर राखि चरित्र हत्यागर्न खोज्ने काठमाडौंका एक युवकलाई प्रहरीले पक्राउ गरेको छ।
काठमाडौंको रामकोट १मा स्थायी घर भएका विकास राज गिरीले सोही ठाउँ बस्ने सविता(नाम परिवर्तन)को नक्कली फेसबुक अकाउन्टबाट अश्लिल फोटो तथा अस्लिल शब्दहरू राखेर चरित्र हत्याको प्रयास गरेका थिए।
महिलाको चरित्र हत्या गरेको आरोपमा उनलाई पक्राउ गरेको महानगरिय प्रहरी अपराध महाशाखाले जनाएको छ।
२९ वर्षे गिरीलाई महानगरीय प्रहरी अपराध महाशाखाको प्रहरी टोलीले कात्तिक ४ गते पक्राउ गरि विद्युतीय कारोबार ऐन अन्तर्गतको मुद्दामा आवश्यक कारबाहीको लागि महानगरीय प्रहरी परिसर काठमाडौं पठाइएको जनाएको छ।
प्रहरीले घटनाको बारेमा थप अनुसन्धान भइरहेको बताएको छ।