विपद ब्यवस्थापन र जलबायुजन्य जोखिमलाई कम गर्नका लागि आवश्यक नीतिको तर्जुमा गरी ठोस कार्यक्रम ल्याउनुपर्नेमा बिज्ञहरुले जोड दिएका छन।
राष्ट्रिय योजना आयोगले नेपालगन्जमा मंगलबार आयोजना गरेको विकास प्रकृयामा विपद तथा जलवायुजन्य जोखिम मुल प्रवाहीकरण क्षेत्रीय कार्यशालामा सहभागी बिज्ञ तथा बिपदको ब्यबस्थापनको क्षेत्रमा कार्यरत बिभिन्न सरकारी तथा गैह सरकारी संघ संस्थाका प्रतिनिधिहरुले बिपद ब्यबस्थापनका लागि पूर्व तयारी, पूर्व सूचना प्रणाली र आबश्यक साधन स्रोतको ब्यबस्थापनमा ध्यान दिनु पर्ने बताएका छन्।
विकासका संरचनाहरु निर्माण गर्दा बिपदमा हुनसक्ने जोखिमका कम गर्नुपर्ने, बिपदका उच्च जोखिममा रहेका क्षेत्रहरुको पहिचान गरी आबश्यक पूर्व तयारीहरु गर्नुपर्नेमा सहभागीहरुले जोड दिएका छन्।
गोष्ठीलाई सम्बोधन गर्दै राष्ट्रिय जोजना आयोगका सदस्य प्राडा गोविन्द नेपालले गरिबी निबारण र बिपत ब्यवस्थापन नेपालका लागि प्रमुख चूनौति रहेको बताए।
विपत आउनुभन्दा अगाडि गर्नुपर्ने आवश्यक तयारी गर्न नसक्दा मुलुकले वर्षेनी ठूलो परिमाणमा धन जनको क्षति ब्यहोर्नु परेको बताउँदै सदस्य नेपालले विपत ब्यवस्थापनका लागि आवश्यक नीति निर्माण, पूर्व तयारी र विपत पछि उद्धार तथा राहातका लागि आवश्यक साधन स्रोत र जनशक्ति ब्यबस्थापनमा गर्नुपर्ने बताए।
त्यसै गरी राष्ट्रिय योजना आयोगका सह सचिव पुरुषोत्तम घिमिरे, कृष्णराज काफ्ले उप सचिव सागर आचार्य र रामचन्द्र न्यौपानेले बिपत र त्यसको ब्यवस्थाका बिबिध पक्षमा प्रकाश पारेका थिए।
सो गोष्ठीमा मध्य तथा सुदूर पश्चिमका जिल्ला प्रशासन, जिल्ला विकास समितिका प्रतिनिधि तथा बिपदको क्षेत्रमा कार्यरत बिभिन्न संघ संस्थाका प्रतिनिधिहरुको सहभागिता रहेको थियो।