साहसिक खेल बन्जी जम्प कास्की हेम्जामा आईतबारबाट शुरू भएको छ। मंगलम गु्रम तथा गोल्छा अर्गनाईजेशनको संयुक्त लगानीबाट बन्जी जम्प सन्चालनमा आएको हो। हाईग्राउन्ड एडभेन्चर्सले हेम्जामा जिप फ्लायर पछि अर्को साहसिक खेल बन्जी जम्प शुरु गरेको हो।
दुई साता पहिलेबाट परिक्षणमा रहेको बन्जी जम्पले आइतबारदेखि व्यावसायीक रूपमा सन्चालनमा ल्याएको छ। डाँडाबाट करिब २० मिटरको उचाइमा टावर बनाई ७० मिटर उचाइको टावरबाट बन्जी जम्प गर्न सकिने सन्चालक अभिनव चुरिवालले जानकारी दिए।
उनीसँगै सरद गोल्छा र भरत गोल्छा सन्चालक रहेका छन्। करिब २ करोडको लगातमा बन्जी जम्प निमार्ण भएको हो भने जिप फ्लायर करिब १३ करोडका लागतमा निमार्ण भएको उनले जानकारी दिए।
जिप फ्लायर प्रति आन्तरीक तथा बाह्य पर्यटकहरुको चासो देखिएपछि रोमाञ्चकको लागी बन्जी सँगसँगै स्विङ्ग पनि थपेको उनले बताए। बन्जी तथा स्विङ्गमा प्रयोग भएको टेक्नोलोजी तथा उपकरणहरु युरोपीयन भएको उनले जानकारी दिए। बन्जी जम्प गर्न नेपालीले ३ हजार ४ सय ९० रुपैया र विदेशी पर्यटकका लागि ६ हजार ८ सय ९० रुपैया रहेको छ ।
