नुवाकोटमा दुई पूर्व भारतीय सैनिकलाई खोलाले बगाउँदा एकको मृत्यु र अर्का एकलाई बेपत्ता भएका छन्।
काठमाडौं सोह्रखुट्टेबाट नियमित पेन्सन बुझेर घर फर्कदै गरेका नुवाकोटको विदुर नगरपालिका ८ राइसिंहका ५७ वर्षीय हस्तबहादुर भनिने हर्कबहादुर घलेको मृत्यु भएको छ। उनीसँगै रहेका साथी खलबहादुर तामाङ अहिलेसम्म बेपत्ता छन्।
घर जानेक्रममा शुक्रबार राती ९ बजे स्थानीय खहरे खोलाले बगाएर सामरी खोलाहुँदै त्रिशूलीमा पुर्याएको थियो।
घलेको शव शनिबार अपरान्ह ४ बजे घटनास्थलभन्दा करिब २३ किमी पर तारूका गाविसको पिपलटारमा भेटिएको प्रहरीले जनाएको छ। साथै बेपत्ता तामाङको स्थिति अहिलेसम्म थाहा हुन सकेको छैन।