पथरी बजारमा भईरहेको फोहोर मैला, खुल्ला चौपाय र शान्ती सुरक्षाको लागि ब्यवस्थापन गर्न आफैबाट सुरु गर्नुपर्ने लगायतको जनचेतनाका लागि र्यालीको आयोजना गरिएको हो।
शुक्रबार पथरीमा अयोजित कार्यक्रममा बोल्दै नेकपा एमालेका सभासद चण्डीप्रसाद राईले पथरीलाई शान्ती सुरक्षा तथा फोहोर मैला ब्यबस्थापन गरी स्वच्छ र सुन्दर शहरको रुपमा पथरीलाई विकास गर्न स्थानीय तवरबाटनै पहल गर्नुपर्ने बताए।
पथरी शनिश्चरे सुरक्षा ब्यवस्थापन समितिद्धारा आयोजित कार्यक्रममा जिल्ला प्रहरी कार्यालय मोरङका एसपी ठूले राईले प्रहरीले मात्रै शान्ती सुरक्षा गर्न नसक्ने बताउँदै यसमा स्थानीयबासीको महत्वपूर्ण भुमिका हुने बताए। प्रहरीले २४ घण्टा सुरक्षा दिई रहेको उल्लेख गर्दै उनले धेरैजसो कुरामा सर्वसाधारण मानिसहरुले पनि साबधानी अपनाईदिन आग्रह गरे।
समितिमा पथरी उद्योग बाणिज्य संघ अध्यक्ष धनकुमार तामाङ, पथरी बजार ब्यबस्थापन समितिका अध्यक्ष धनप्रसाद सावा, पथरी जेसिजका कमल नेपाल, प्याब्सन पथरीका उपेन्द्र कडेँलऽ संघको उपाध्यक्ष कबिता पराजुली, संघका महासचिव, जीतन कार्की ईलाका ट्राफिक पहरी कार्यालय र ईलाका प्रहरी कार्यालय पथरीका प्रनी रुद्र चुडाल, पथरी बहुमुखी क्याम्पसका प्रमुख अर्जुनकुमार बुढाथोकी सदस्य छन्।
रयालीलाई ईलाका प्रहरी कार्यालय पथरीका ब्याण्ड बाजा टोलीले साथ दिएको थियो। कार्यक्रममा पथरीमा रहेको निजी तथा सरकारी बिद्यालयका बिद्यार्थी शिक्षकतथा सर्वसाधारणको बाल्लो उपस्थिति रहेको थियो।
