रोल्पा जुगार गाउँ विकास समिति वडा नं. ५ मा पहिरो जाँदा ३ जनाको मृत्यू भएको छ। बिहान करिब ३: ३० बजेतिर स्थानीय जीतवहादुर पुनको २ तले घरको २५ मिटर माथिबाट आएको पहिरोले घर भत्काएपछि ४२ वर्षीय जीतवहादुर पुन, उनकी श्रीमती ४० वर्षीय कृष्णकला पुन र ५ वर्षीया छोरी विपना पुनको मृत्यू भएको प्रहरीले जनाएको छ।
पहिरोमा परी ७ वटा खसी बाख्रा समेत मरेको प्रहरीले जानकारी दिएको छ। सदरमुकामबाट २२ कोष टाढा रहेको उक्त घटनास्थलमा प्रहरी र स्थानीयले उद्धार गरिरहेका छन।
मृतक परिवारलाई ४० हज्ाार
यसैबीच मृतक परिवारलाई ४० हजार रकम राहत पुर्याइएको प्रमुख जिल्ला अधिकारी लुकबहादुर क्षेत्रीले बताए।
बाँकि रकमतत्काल राहत पुरयाइने क्षेत्रीले बताए।
यस अघि रोल्पामा विभिन्न स्थानमा गएको बाढि पहिरोका कारण ४ जनाले ज्यान गुमाइसकेका छन भने करोडौको क्षति पनि भएको छ।