प्रहरीले चाडबाडलाई मध्यनजर गर्दै विशेष सुरक्षा योजना लागू गरेको छ । चोरी एबं लुटपाट घट्ना नियन्त्रणको लागि बिषेश सुरक्षा योजना तयार गरिएको प्रहरीले जनाएको छ । चाडवाडका बेला धेरै चोरी र अपराध हुने प्रहरीले बताएको छ ।
विगत ३ महिनाको चोरी, लुटपाटका अपराध तथ्यांङ्ग विश्लेशण गर्दा अधिकत्तम चोरी दिउसोको समय १० बजेदेखि ६ बजेसम्म रहने गरेको पाइएको प्रहरीले जनाएको छ । दशै तिहारलाई समेत मध्ये नजर राखी चोरी तथा लुटपाटका घट्ना नियन्त्रण गर्नको लागी योजना तयार गरी भदौं ९ गतेदेखि नै लागू गरिएको प्रहरीले जनाएको छ ।
बृत्त तथा प्रभागवाट समेत सादापोशाकमा जनशक्ति थप गरि व्यापक रुपमा प्रहरी परिचालन गरिएको छ ।
यस अभियान अन्र्तगत महानगरीय प्रहरी अपराध महाशाखा र सम्बन्धित परिसर, बृत्त र प्रभागमा समेत गरि हाल सम्म १४५ जना शकास्पद मानिसलाई नियन्त्रणमा लिनुका साथै निजहरुको चोरी कार्यमा प्रयोग हुने औजारहरु र १५ लाख धनमाल बरामद गरिएका् प्रहरीले जनाएको छ । १४५ जना मध्ये १०७ जनालाई अनुसन्धान पश्चात छाडिएको र ३८ जनालाई थप अनुसन्धान तथा कानुनी कारबाही भईरहेको छ ।
चोरी, डकैती तथा लुटपाटबाट बच्ने उपायहरु
- घरबाट बाहिर निस्कदा झ्याल–ढोका राम्रोसंग बन्द गरि छिमेकीलाई जानकारी दिई जानुहोस ।
- बहुमुल्य गरगहना तथा नगद घरमा नराख्नुहोुस् बैंकमा राख्ने गर्नुहोस ।
- बहुमुल्य गरगहना लगाई कुनै मेला पर्वमा हिंडडुल नगर्नुहोस र गरगहना लगाई हिंडडुल गर्दाको बखत सतर्क रहनुहोस ।
- ढोकामा बाहिर देखिने ताल्चा लगाउँदा चोरलाई घरमा मान्छे छैन भन्ने जानकारी हुने र त्यस्तो ताल्चा फुटाउन समेत चोरलाई सहज हुने हुँदा घर, पसलको ढोकाको भित्री भागमा लगाईने भित्री ताल्चा को प्रयोग गर्नुहोस।
- भित्री ताल्चा प्रयोग गर्न सम्भव नभएमा साईरन जडित ताल्चाको प्रयोग गर्नुहोस ।
- आफ्नो टोल छिमेकमा अपरिचित ब्यक्ति देखा परेमा निग्रानी राखि शंका लागेमा प्रहरीलाई खवर गर्नुहोस ।
- ढोकामा आग्लो, गजवार वा बलियो छेस्किनी लगाउने ब्यवस्था मिलाउनुहोस ।
- टोलका सवै मानिसहरु मिलेर सेक्युरिटी साइरन जडान गर्नुहोस ।
- कम्पाउण्ड वाल लगाउँदा र त्यसमाथी ग्रिल लगाउँदा सुरक्षाको दृष्टिकोणले उपयुक्त हुने डिजाईनको लगाउनुहोस ।
- बहुमुल्य गहना ,बस्तु तथा ठुलो रकम लिएर एक्लै नहिड्नुहोस ।
- अपरिचित व्यक्तिहरुसंग अनावश्यक बातचित नगर्नुहोस र उनिहरुलाई घर कम्पाण्ड प्रवेश गर्न नदिनुहोस ।
- टोल छिमेकमा नौलो तथा असामान्य मानिसहरु देखा परेमा विशेष निग्रानी राख्नुहोस ।
- घरको सुरक्षाको लागी सुरक्षाका उपकरणहरु र प्रविधिहरु जस्तै पर्यात्त उज्यालोको व्यवस्था , आपतकालीन साईरन सि.सि.टि.भि.वा स्थानीय स्तरमा उपलव्ध उपायहरु अवलम्वन गनुहोस ।
- घरमा काम गर्ने वा भाडामावस्ने व्यक्तिहरुको फोटो र स्थायी , अस्थाई ठेगाना राख्नुहोस र निजहरुको चाल चलनमा ध्यान दिनुहोस ।
- टोल छिमिकमा रहेका बदमास र घरमा अावात जावत गर्ने अपरिचित व्यक्तिहरु माथी निग्रानी राख्नुहोस ।
- राती घर कम्पाउण्ड र कौशीमा पर्याप्त प्रकाशको व्यवस्था गर्नुहोस ; सम्भव भएसम्म कुकुर पाल्नुहोस ।
- घर छोडी बाहिर जानुपर्दा वा राती सुत्नु भन्दा अगाडी ढोका वा झ्यालहरुमा चुकुल, गजवार वा पर्दा राम्ररी लगाएको छ छैन भन्ने वारे ध्यान दिनुहोस ।
- लामो समय सम्मको लागी घरमा बाहिर जानु पर्दा आफ्नो विश्वासिलो व्यत्तिललाई जानकारी दिनुको साथै दैनिक रुपमा घरमा बसी लिदै आएको सामाग्री लिन बन्द गरेर जानुहोस ।