गएराति परेको अविरल बर्षासँगै आएको पहिरोका कारण अवरुद्ध सिद्धार्थ राजमार्ग ५ घण्टा पछि खुलेकेा छ। कास्कीको पुम्दीभुम्दी गाविस १ कालिमाटीमा आएको पहिरोले सिद्धार्थराजमार्ग विहानै देखि अवरुद्ध थियो। पहिरोल सिद्धार्थ राजमार्गको करिब ५ सय मिटर बाटोमा ढुङ्गा माटो लगायतका झारेको थियो।
अवरुद्ध राजमार्गमा स्काभेटरले पहिरो पन्छाएपछि करिब ५ घन्टा अवरुद्ध सडक खुलेको हो। बाटो अवरुद्ध हुदा तीजमा माइत हिँडेका चेलिबेटी र अन्य यात्रुहरु बाटोमा अलपत्र परेका थिए। बाटो खुलाइए पनि पहिरो खस्ने क्रम नरोकीएका कारण सो क्षेत्रका मानीसहरु अझै पनि त्रासमा रहेका छन्। पहिरोका कारण सो क्षेत्रका केहि वस्ती समेत जोखिममा परेका छन्। कालिमाटीदेखि शान्ति स्तुपासम्मको भिरालो भागमा रहेका घरहरु जोखीममा परेका हुन्।
गएरातीकै वर्षाका कारण पोखराको ठाउँ ठाउँमा भासिएको छ। पोखरा ८ सिमलचौरमा रहेका आलुमाइला चोक नजिकै जमीन भासीएको छ भने पोखरा ७ बुलौदीमा रहेको ठाकुर प्रसाद बरालको घर नसिक पनि भासिएको छ। त्यसै गरि पोखरा छोरेपाटनमा रहेको दुर्गामन्दिर र तितेपानीका केहि वस्ती समेत ढुवानमा परेको प्रहरीले जानकारी दिएको छ। अव्यस्थित रुपमा प्लटीङ गरेका कारण पानीको निकास नहुँदा वस्ती ढुवानमा परेका हुन्।
