पोखराको पर्यटकीय आकर्षण केन्द्र विश्व शान्ति स्तुपा खतरामा परेको छ। कास्कीको पुम्दीभुम्दी गाविसको अनदु डाडाँमा रहेको विश्व शान्ति स्तुप नजिकैबाट गएको पहिरोका कारण खतरमा परेको हो। स्तुपा खतरामा परे पछि विश्व शान्ति स्तुपा संरक्षण समितिले पर्यटकहरु जानमा रोक लगाएको छ।
समितिका सचिब उत्तममान ब्रजाचार्यले पहिरोका कारण खतरामा परेको स्तुपामा पर्यटकालाई जान दिदा उनिहरु लड्न सक्ने र अझ पहिरो ठुलो जान सक्ने भएकाले पनि पर्यटक जान रोक लगाएको बताए। उनले पोखराको राम्रो पर्यटकीय हब बनेको बताउदै त्यसको संरक्षणका लागी पहल आवश्यक भएको बताए। आइतबार राती परेको अविरल वर्षा पछि स्तुपा मुनिबाट पहिरो गएको थियो। पहिरोबाट बचाउनका लागी छिटो भन्दा छिटो काम थाल्नु पर्ने स्तुपामा बस्दै आएका जापानीज भिछुले बताए।
२०४९ सालबाट निमार्ण थालिएको स्तुपा २०५५ सालमा निमार्ण सम्पन्न भएको थियो। करिब १ सय १५ फिट उचाइ रहको स्तुपाको ३ सय ४४ डायामिटरमा फैलिएको छ। स्तुपा नेपाल, जापान, श्रीलंका, थाइल्यान्ड, बर्मा लगाएतको सयुक्त लगानीमा निमार्ण भएको हो। त्यही पहिरोले फेवाताल किनारमा रहेको टिपकल रेष्टुरेन्ट एण्ड लजलाई समेत पहिरोले बगाएको थियो।
