सामान्य प्रशासन मन्त्री लालबाबु पण्डितले दैलेखका सम्पदा निकै महत्वपूर्ण रहेको भन्दै यसको संरक्षणमा जोड दिएका छन्।
काठमाडौंमा शुक्रबारदेखि सुरू भएको दैलेखको तस्विर तथा वृत्त चित्र प्रर्दशनीको अवलोकनमा आएका पण्डितले दैलेखका सम्पदालाई संरक्षण गरेर पर्यटकीय गन्तब्य बनाउने कार्यमा सरकार सहयोग गर्न तयार रहेको बताएका छन्।
उनले दैलेखमा बिशेष गरी धार्मिक, ऐतिहासीक तथा सांस्कृतिक पर्यटकको सम्भावना रहेको बताए। त्यस्तै पूर्व उर्जा मन्त्री गोर्कण बिष्ट दैलेखमा पर्यटकीय सम्भावना प्रचुर मात्रमा भएर पनि त्यसको उचित प्रचार प्रसार हुन नसक्दा पर्यटकको आगमन हुन नसकेको गुनासो गरे। उनले भने, 'दैलेखको केही स्थानमा म आफैं गएको छु, तर सबै ठाँउ पुगेको थिएन ,आज यो तस्विर प्रर्दशनी हेर्दा दैलेखनै पुगेको अनुभूती भएको छ।'
दैलेखख ३६ जातजातिको उद्गमस्थलका मात्र नभएर पञ्चकोशी तिर्थस्थलका जिल्ला पनि हो। ऐतिहासीक रुपले महत्व बोककेा कोतगढी, नेपाल भाषाकै पुरानो शिलालेख दामुपालको अभिलेख संरक्षण तथा प्रचार प्रसारको अभावमा ओझेल परिरहेको अवस्थामा यी सम्पदाको संरक्षण र प्रबर्धनका लागि भर्न्दै प्रर्दशनी गरीएको हो।
काठमाडौको राष्टिय कला परिषद बबरमहलमा चलिरहेको उक्त प्रदर्शनीमा फोटा पत्रकार भरतबन्धु थापाले खिचेका ७५ वटा तस्विर सहित विश्व केसी, शमशेर शाही, युवराज शाहीका २५ वटा तस्विर सहित १०० वटा तस्विरहरू राखिएको छ।
मनघरी फाउण्डेशनले प्रस्तुति र पत्रकार भरतबन्धु थापाले लेखन,निर्देशन र परिकल्पनामा तयार गरीएको बृत्र चित्र समेत प्रर्दशनीमा राखिएको छ।
काठमाडौंमा दैलेख चिनाउ भन्ने हेतुले दैलेख उद्योग बाण्ज्यि सघ र नेपाल उद्योग बाणिज्य महासंघले आयोजना गरेको तस्विर तथा बृत्त चित्र प्रर्दशनी भोलिसम्म चल्नेछ।