प्रहरी कारबाहीमा मारिएका गुन्डा नाइके दिनेश अधिकारी चरीको शनिबार पशुपति आर्यघाटमा अन्येष्टि गरिदैंछ ।
शिक्षण अस्पतालमा रहेको उनको शवलाई शव यात्रासहित आर्यघाट पुर्याइएको छ । गत साउन २१ गते काठमाडौंको भीमढुंगामा उनी प्रहरी कारबाहीमा मारिएका थिए । चरीको हत्या भएको भन्दै उनको शव आफन्तले बुझ्न मानेका थिएनन् ।
केही दिन अघि मात्रै उनको पोष्टमार्टम भएको थियो । उनको पशुपतिको उत्तरतर्फ रहेको चितामा अन्त्यष्टि गरिन लागेको हो । भीआईपीहरुको उत्तरतर्फको चितामा अन्त्येटि गरिन्छ । ठाउँ अभावमा उनको अत्यष्टि उत्तरतर्फ उत्तरतर्फको चिता दिइएको पशुपति क्षेत्र विकास कोषले जनाएको छ ।
कोष त्यसो भनिरहदाँ अन्य चिता पनि खाली नै देखिन्छ । अहिले पशुपति क्षेत्रमा सुरक्षा व्यवस्था कडा पारिएको छ । सादा पोशाकमा पनि प्रहरीहरु खटाइएको छ । चरीको अत्यष्टिमा आउनेहरुलाई प्रहरीले निगरानीमा राखेको छ । चरीको अन्त्यष्टिका लागि धादिङका एमाले नेताहरु पनि आर्यघाट पुगेका छन् ।
