पीडित शिक्षक साह। तस्विर : सन्तोष कुमार
एक शिक्षकलाई अपहरणका आरोपी १२ जना मध्ये १० जनालाई जिल्ला अदालत सप्तरीले सफाइ दिएका छ। न्यायधीश रामप्रसाद अधिकारीको एकल इजलासले बिहिवार अपहरणका १० आरोपीले सफाइ पाएका हुन्। अदालतमा हाजिर नभएका दुई आरोपीको हकमा मुद्दा मुलतवी राख्ने निर्णय सुनाइएको छ।
काचन ५ सप्तरी घर भई हाल लहान नपा ३ मा बस्दै आएका सूर्यनारायण साह चार वर्ष अगाडि सप्तरीको दौलतपुर १ लक्ष्मीपुर जंगलबाट अपहरणमा परेका थिए। अपहरण भएको तीन दिनपछि अपहरणकारीको कब्जाबाट उम्कन सफल शिक्षक ०६७ असोज २७ गते ईलाका प्रहरी कार्यालय कल्याणपुर सप्तरीमा किटानी जाहेरी दिएका थिए।
आरोपीहरुलाई उन्मुक्ति दिएर अदालतले आफूमाथि अन्याय गरेको शिक्षक साहले गुनासो गरे। फैसला सुनेर अदालतबाट निस्केदेखि आँखाबाट आँशु सुक्न सकेका छैन्। उनी भन्छन्, 'टेन्सनले रातभरी सुत्न पाएका छैनौं। अदालतले अपराधीलाई यसरी उन्मुक्ति दिन्छन् भन्ने सोचेको पनि थिएनौं।’
शिक्षक साहले भने, 'मान्छे पीडित भएपछि अदालत जान्छ, तर न्याय पनि बिक्छ भन्ने कुरा थाहा पाएँ। बन्दुक त उठाउन सक्दिनँ। अब कसले न्याय दिन्छ?’
'अपराधीहरु अहिले पनि धम्काउँछ। कसरी बाँच्ने?’, शिक्षक साहले भने, 'अपराधीलाई सजाय दिलाउने मेरो अठोत थियो तर अदालतले कुठराघाट गर्यो। पैसाको बलमा अपराधीकै पक्षमा फैसला सुनायो। अब झन असुरक्षा महसुस हुन थाल्यो।’
जिल्ला अदालत सप्तरीले अपराधीकै पक्षमा फैसला गरेपछि शिक्षक साहले न्यायको अन्तिम ढोकासम्म पुग्ने बताएका छन्। शिक्षक साहसँग त्यतिबेला अपहरणकारीहरुले ३० लाख रुपैया फिरौती मागेका थिए।
अपहरणका आरोपीहरु यसरी पालैपालो छुटे
२०६७ कात्तिक अन्तिम साता प्रहरीले कल्याणपुर ३ सप्तरीका मुकेश विश्वकर्मा, सोही ठाउँका जगदेव सहनी, मैनासहस्रवाहु ४ का राजकुमार विश्वकर्मा, मधुपट्टी ६ का राजकुमार यादब र सुरेन्द्र साहलाई अपहरणको आरोपमा पक्राउ गर्यो। शिक्षक सूर्यनारायण साहको अपहरणमा संलग्न रहेको आरोपीहरु मध्ये यि पाँच जनालाई सप्तरी प्रहरीले पक्राउ गर्न सफल भए। पक्राउ परेका पाँचै जनामाथि कारबाही हुने प्रहरीले प्रतिवद्धता जनाए। प्रहरीले पाँचै जनालाई जिल्ला अदालत सप्तरीमा पेश गर्यो। जगदेव र राजुलाई नाबालक भनेर जिल्ला अदालतले छाडे। राजकुमारलाई प्रमाण नपुगेको भनेर अदालतले छाड्यो। तर राजकुमारकै नाममा रहेको ९८०७७५०००९ नम्बर फिरौती माग्न प्रयोग भएको थियो।
मुकेश र सुरेन्द्रलाई भने अदालतले पूर्वपक्षका लागि थुनामा राख्न आदेश दिएका थिए। त्यसपछि मुकेश र सुरेन्द्रका अभिभावकले थुनामुक्तका लागि पुनरावेदन अदाल राजविराजमा मुद्दा दायर गर्यो। प्रहरीले पुनरावेदन अदालतले मुकेश र सुरेन्द्रलाई पेश गरेपछि सााधारण तारेखमा छाड्यो।
पीडित शिक्षक साहबका अनुसार पक्राउ परेका मुकेश, जगदेव, सुरेन्द्र र राजकुमारले अपहरण गरेको स्वीकार समेत गरेका थिए। यि चारै जनाले आफू नहरारिगौल ३ सिरहाका चन्दे भन्ने रामलखन यादबको निर्देशनमा अपहरण गरेको र ३० लाख फिरौती मागेको प्रहरी र सरकारी वकिल समक्ष स्वीरेका थिए। चारै जनाले वयानमा चन्देको नाम भनेपछि प्रहरीले नै चन्देमाथि मुद्दा चलाए। चन्दे स्वयंम जिल्ला अदालत सप्तरीमा हाजिर भए। अदालतले उनलाई रु. २५ हजार धरौटी लिएर छाडियो।
यस्तै अपहरणका आरोपी खरुकियाही ३ सिरहाका रामअधिन यादब पनि स्वयंम अदालतममा उपपस्थित भए। अदालतले यादबलाई पनि साधारण तारेखमा छाड्यो। अपहरणकै आरोपी लहान नपा ३ का गोरखनाथ चौधरीलाई पनि प्रहरीले पक्राउ गरेर अदालतममा पेश गर्दा साधारण तारिखमै छुटे।
त्यसपछि प्रहरीले दिपेन्द्र कुमार ओरगेन चौधरी र लल्लु भन्ने रामबाबु शर्मालाई पक्राउ गर्यो। चौधरी र शर्मालाई पनि प्रहरीले जिल्ला अदालत सप्तरीमा पेश गर्यो। जिल्ला अदालतले पुर्वपक्षका लागि थुनामा राख्न आदेश दियो। त्यसपछि चौधरी र शर्माका अभिभावकले थुनामुक्त गर्न पुनरावेदनमा मुद्दा हाल्यो। पुनरावेदनले यि दुबै जनालाई पनि साधारण तारेखमै छाडियो।
लहानबाट कार्यरत रहेको उदयपुरको त्रियुगा नपा ११ पञ्चकन्या मावि पातलेबास जाने क्रममा सप्तरीको दौलतपुर १ स्थित लक्ष्मीपुर जंगलबाट शिक्षक साह २०६७ असोज २१ गते विहान अपहरणमा परेका थिए। अपहरणमा परेको तेस्रो दिन रातिमा अपहरणकारीको कब्जाबाट उम्कीन सफल भए। त्यसपछि शिक्षक साह ईलाका प्रहरी कार्यालय कल्याणपुरमा १२ जना विरुद्ध किटानी जाहेरी दिएका थिए।
आरोपी १२ जनामध्ये सप्तरी हरिपुर ३ पोखरीयाका हृदयनारायण चौधरी र कुशहा ९ का सिमि्रत चौधरी हालसम्म फरार छन्। पालैपाले ८ जना पक्राउ परे। सबैलाई पालैपालो साधारण तारिखमै छाडियो। सोही घटनाका दुई आरोपी स्वयंम अदालतमा उपस्थित भएपछि एक जना साधारण तारेखमा र अर्का एक जना रु. २५ हजार धरौतीमा अदालतबाट छुटेको पीडित शिक्षक साह बताउँछन्।
जिल्ला अदालतका तत्कालिन न्यायधिश मोहनराज भट्टराईले नावालक भनेर छाडिएका जगदेव र राजु विश्वकर्मालाई उमेर जाँचका लागि धरान पठाउने आदेश गरेका थिए। तर आदेश हुने वित्तिकै जगदेवले तारिख छाडेका थिए भने राजु विश्वकर्माको उमेर जाँच भएर आउँदा सबालक ठहर भएका थिए। यि मुद्दामा लल्लु भन्ने रामबाबु शर्मा, दिनेश यादब र जगदेश सहनी एक बर्ष अगाडी नै तारेख छाडेका थिए। तरपनि अदालतले अन्तिम फैसला गलत तरिकाले अपराधीकै पक्षमा गरेको शिक्षक साहको आरोप छ।
