साउन महिनाको अन्तिम साता परेको अबिरल वर्षापछि आएको बाढी र पहिरोबाट बाँके, बर्दिया, दाङ, सुर्खेत र सल्यान लगायत मध्य पश्चिमका जिल्लाहरुमा १ सय २ जनाको मृत्यु भएको छ भने १ सय २४ जना अझै बेपत्ता छन।
बाढीमा परेर ५९ जना घाईते भएकोका छन। बाढी र पहिरोबाट १ हजार ६ सय ७ घर पुर्ण रुपमा क्षति भएको छ भने ५ हजार २ सय ३८ घरमा आंशिक क्षति पुगेको छ।
बाढीबाट प्रभावित २१ हजार ९ सय ५१ जनालाई उद्धार गरिएको मध्य पश्चिम प्रहरी कार्यालय सुर्खेतले जानकारी दिएको छ ।
बाढीबाट २७ हजार २ सय ७६ जना बिस्थापित भएको छन भने २७ हजार ३२ जनालाई राहात सामाग्री बितरण गरिएको छ।
बाढी पहिरोबाट बढी प्रभावित क्षेत्रमा नेपाली सेनाको एम आई १७ र सुपर पुमा हेलिकोप्टरले चिउरा, चिनी , नुन, बिस्कुट चाउचाउ र पानी सहितको खाद्य सामाग्री बितरण गरिएको छ । त्यसै गरी सडक मार्ग हुदै जिल्ला देबी प्रकोप उद्धार समितिहरुले पनि प्रभाबतिहरुलाई खाद्यान्न, त्रिपाल सहितको सामाग्री बितरण गरेको छ । नेपाल सरकारले सह सचिबको नेतृत्वमा नेपालगन्जमा साउन ३१ गते देखि नै कमान्ड पोष्ट खडा गरेर बाढीबाट प्रभाबितहरुको उद्धार र राहातका लागि प्रभाबकारी बनाउन बनाउने प्रयास गर्दै आएको छ ।
सुर्खेतमा अबरुद्ध भएको विद्युत सेवा र बाढी र पहिरोबाट अबरुद्ध भएको कोहलपुर कर्णाली चिसापानी र कोहलपुर सुर्खेत सडक खन्डको यातायात सेवा संचालन गरिएको छ।
बाँकेको शम्शेरगन्जमा पुल भत्किएर अबरुद्ध भएको सडक यातायातलाई सञ्चालन गर्नका लागि नेपाली सेना सहितको सुरक्षा फौजलाई परिचालन गरिएको नेपाली सेनाका ४ नम्बरको बाहिनीले जनाएको छ ।
