अख्तियार दुरुपयोग अनुसन्धान आयोगले सहरी भवन निर्माण तथा सम्भार डिभिजन कार्यालय अनामनगरमा घुस लिंदालिंदै आयोजना प्रमुखसहित ५ जनालाई पक्राउ गरेको छ । सेवाग्राहीसँग ५० हजार रुपैयाँ लिंदै गर्दा आयोजना प्रमुख उमलानन्द अधिकारी, ईन्जिनियर दीपा श्रेष्ठ पक्राउ परेका हुन् ।
त्यस्तै सहरी भवन बिभाग अन्तर्गतको काठमाडौं शाखाका उपसचिव सुरेशकृष्ण शर्मा, लेखा अधिकृत यदबहादुर तिमल्सिना र शाखा अधिकृत रोशनकुमार कठायतलाई समेत नियन्त्रणमा लिईएको प्रहरीले जनाएको छ । यसैबीच बिहान वीर अस्पतालमा छापा मारेको अख्तियारले अपरान्ह पर्यटन बोर्डमा छापा मारेको छ । अख्तियारले बोर्डका केही फाइल नियन्त्रणमा लिएको छ ।
