प्रहरीले हतियार बिक्रीका लागि आएका दुई युवक तथा खरिदकर्तालाई समातेको छ। ईलाका प्रहरी कार्यालय आँबुखैरेनीले चेक जाँचका क्रममा आँबुखैरेनीको सत्रसयबाट बिक्री तथा खरिदकर्ता गरी तीनजनालाई नियन्त्रणमा लिएको हो।
धनुषा लालगढ ९ निवासी राजु लामा र गणेश श्रेष्ठ तथा सोही ठाउँ घर भै हाल स्थानीय गामावेसी कृषि केन्द्रमा कार्यरत दीपक बराललाई नियन्त्रणमा लिएको हो। उनीहरुको साथबाट एक थान कटुवा पेस्तोल तथा त्यसमा लाग्ने गोली पनि बरामद गरेको छ।
लामा तथा श्रेष्ठले बराललाई बिक्रीका लागि ल्याएको पेस्तोल बाटोबाटै बरामद गरेको ईलाका प्रहरी कार्यालय आँबुखैरेनीका प्रमुख श्यामबाबु ओलियाले बताए। उनीहरुमाथि हात हतियार तथा खरखजाना ऐन अर्न्तगत मुद्धा चलाउने तयारी गरिएको उनले बताए।
हतियार बिक्रीको उद्देश्य व्यक्तिगत सुरक्षा भएको नियन्त्रणमा रहेकाले बयान दिएका छन्। बरालले आफूले सुरक्षाका लागि हतियार मगाएको बयान दिएका छन्। पेस्तोल १२ हजारमा बेच्न लागेको लामा र श्रेष्ठलाई उद्धृत गर्दै ओलियाले बताए।
