रेखा शाह फाउन्डेशन ज्ञानेश्वरले २० जना गरिव तथा जेहेन्दार विद्यार्थीका लागि एक वर्षको छात्रवृति प्रदान गरेको छ । फाउन्डेशनले आज एक विज्ञप्ति जारी गर्दै क्षेत्रपाटी र गणेशस्थानका २ विद्यालयका २० विद्यार्थीलाई छात्रवृति प्रदान गरेको जनाएको छ ।
राजधानीका दुइवटा सामुदायिक विद्यालय कन्या मन्दिर उच्च माध्यमिक विद्यालय,क्षेत्रपाटी र कान्ति ईश्वरी राज्यलक्ष्मी माध्यमिक विद्यालय, प्याफल, मरु गणेशस्थान, काठमाडौँमा अध्ययन गर्ने २० जना बालबालिकाको लागि लाग्ने एक वर्षको शैक्षिक खर्च एक लाख तीन हजार दुई सय दश रुपैयाँ बेहोर्ने प्रतिष्ठानकी अध्यक्ष रेखा शाहले जानकारी दिईन ।
गरीब, विपन्न वर्ग, द्वन्द्व पीडितलगायतका बालबालिका एवम् वृद्धवृद्धालाई आफू सक्दो सहयोग गर्ने सोच उनले बनाएकी छिन् । साथै उनले बालबालिकाको शिक्षामा सहयोग पुर्याउँदै आएको परोपकारी संस्था हेल्प नेपाल नेटवर्क लाई पनि एघार हजार,एक सय,एघार रुपैयाँ सहयोग गरेकी छिन् ।
