विश्व नेतृत्वको ज्ञान नेपालबाट

चुनाव
  • Get News Alerts

tata

नेपालबाट अग्लो, वृहत्तर र विश्वस्तरीय दर्शनको एकैपटक पार्दुभाव भएको छ । पढ्दा, बुझ्दा गहन लाग्ने तर सर्वहितकारी औषधि बराबरका ज्ञान शीर्षक र व्याख्याहरु आफैंमा अलौकिक छन् । यो अग्लो “ज्ञान पिरामिड” को नाम “सार्वभौम ज्ञान” राखिएको छ । विषयको गम्भीरतालाई हेर्दा यस ज्ञानलाई सार्वभौम विश्ववाद भन्न पनि सकिन्छ। सृजनाकारको तीन सृजनाहरुलाई पुस्तक मात्र भन्नु भन्दा ग्रन्थ भन्नु उपयुक्त देखिन्छ। यो दर्शनलाई तीन खण्डमा विभक्त गरिएको छ । जसमा अध्यात्म खण्ड, विधान खण्ड र विज्ञान खण्ड छन्। नेपालका अति विशिष्ट व्यत्तित्वहरुबाट अध्ययन भैसकेको यस दर्शनबारे छोटा समिक्षाहरु पनि प्राप्त भएका छन् । फरक तीन ग्रन्थहरुको छोटो अन्तरवस्तु प्रस्तुत गर्दछु ।

१. सार्वभौम अध्यात्मः

यो ग्रन्थ ३८९ पृष्ठमा प्रस्तुत छ । यस ग्रन्थभित्र अति महत्वपूर्ण सोध र जिज्ञासाका विषयहरुको तर्क संगत र वैज्ञानिक ढंगबाट व्याख्या गरिएको छ । जसमा सुख दुःखको कारण अनुसन्धान, ध्यानको सिद्धान्त, परमात्माको व्याख्या, साहित्यको सिद्धान्त, शान्ति र आनन्दको सिद्धान्त, सार्वभौम धर्म÷दर्शनको सिद्धान्त लगायत ४४ वटा मूल प्रसङ्गमा लेखिएको यस ग्रन्थमा विविध प्रसङ्गहरु १०८ वटा छन् । सबै भन्दा मर्मस्पर्सी पहिलो भगवानको आवाज शीर्षकमा भएका १०५ वटा भगवत् वाणीहरु अत्यन्त गहन र आनन्ददायक छन् । बाँकी सबै ज्ञानहरुले वर्तमान संसारमा प्राप्त ज्ञानहरुमा विशिष्टता हासिल गरी थप विशेषताहरु पस्किएको पाइन्छ । सम्पूर्ण अध्ययन पश्चात सार्वभौम अध्यात्म सनातन दर्शनको महानता हो भन्ने लाग्छ । सबै धर्म, दर्शन, वाद र अध्यात्महरुलाई अभिभावकत्व प्रदान गर्ने लक्ष्यमा  यो ग्रन्थ प्रस्तुत भएको पाइन्छ । 

२. सार्वभौम युगको विश्व विधानः–

यो ग्रन्थ ५८० पृष्ठमा प्रस्तुत छ । यसमा १०१ वटा मूल प्रसङ्गहरु छन् । विश्व व्यवस्थापन गरी युग परिवर्तनको महान लक्ष्यलाई यसले प्राप्त गर्ने लक्ष्य राख्दछ । सार्वभौम विश्व सरकारको गठन गरी संसारलाई एउटै राजनैतिक छातामुनी राख्नु यस ग्रन्थको स्पष्ट लक्ष्य देखिन्छ । यू.एन.लाई विश्व सरकारमा परिवर्तन गर्ने उपायहरुको यसमा व्याख्या गरिएको छ । यसमा पहिलो खण्ड राजनीति, दोस्रो कूटनीति, तेस्रो कानून त्यस्तै शिक्षा, अर्थशास्त्र गरी विश्व व्यवस्थापनका लागि आवश्यक सबै पक्षहरु बारेमा वृहत्तर उपायहरुको व्याख्या गरिएको पाइन्छ । यस ग्रन्थ अध्ययन गर्दा भविष्यमा भ्रमण गरिरहेको महसुस हुन्छ । हरेक शीर्षकको समाप्तीमा अलग साहित्य विधा “सत्य साहित्य” को प्रस्तुती अति मार्मिक लाग्दछ । यो ग्रन्थ देश÷देशका संविधान जस्तै तर सैद्धान्तिक र भावातित अभिव्यक्ति सहितको साँच्चै विश्व विधानको रुपमा पाठकले महसुस गर्न सक्छन् । 

३. सार्वभौम विज्ञानः–

यो पुस्तक ४३७ पृष्ठमा प्रस्तुत छ । यसभित्र ७४ वटा मूल प्रसङ्ग र विविध प्रसङ्गहरु ५९ वटा छन् । यसको पहिलो खण्डमा ब्रम्हाण्डको अति सुक्ष्मदेखि अति विशाल सत्यहरुको सरल भाषामा व्याख्या गरिएको छ । दोस्रो खण्डमा शक्तिको अति वृहत व्याख्या गरिएको छ । त्यसैगरी गणित, जीवशास्त्र, मानव दिमाग, आत्मा, मृत्यु, पृथ्वी, मनोविज्ञान लगायत अति सुक्ष्म सत्यहरुको तथ्यगत व्याख्या गरिएको छ। “सोध चेतना” प्रवल भैरहेको वर्तमान संसारमा नयाँ सत्य सबैभन्दा प्यारो लाग्न थालेको छ । मानवको भौतिक विकासपछि ब्रम्हाण्डीय आश्चार्यहरु जान्न मानव उद्त छन् । यस विज्ञानले वर्तमान आधुनिक विज्ञानलाई आवश्यक दिशा, लक्ष्य र अभिभावकत्व प्रदान गर्न सक्ने देखिन्छ । आधुनिक युगमा शंका, लक्षण र सम्भावनाहरुको सोधमा ठूलो भूमिका हुन्छ । यस विज्ञानले संसारलाई सोधको नयाँ क्षितिज दिनेमा पाठक विश्वस्त हुन सक्छन् ।

एक समिक्षकको दृष्टिमा यि कुरा देखिए तर सबै पाठकहरुको आ–आफ्नै तर्क र दृष्टिकोण हुन्छन् । यी ग्रन्थहरुको अध्ययन पश्चात प्राप्त केही छोटा समिक्षाहरु पनि हेरौं ।

पूर्वप्रधानमन्त्री के.पी. शर्मा ओली

युवा चिन्तक कुलराज पौडेलका तिनवटा कृतिहरु “सार्वभौम अध्यात्म”, “सार्वभौम विज्ञान” र “सार्वभौम युगको विश्व विधान” मलाई एकैसाथ प्राप्त भयो । मैले पुस्तकहरु माथि विहंगम दृष्टि दौडाएं । लेखक कुलराज पौडेलको चिन्तन र अभिव्यक्तिको शैली असाधारण छ । ब्रम्हाण्ड, श्रृष्टि, प्रकृति र जीवन आदिका बारे लेखकको आफ्नै दृष्टिकोण र लक्ष्य छ । विचारमा कसैको सहमति वा असहमति रहन सक्छ तर चिन्तन प्रवाहको बेग र त्यस गतिभित्र निहित दृष्टिकोण र विश्लेषणको उचाईलाई हरेकले स्वीकार्नै पर्छ । विचार उत्पन्न गर्ने र विचारलाई शान्त तलाउ भन्दा छाँगा र छालहरुमा उराल्दै चिन्तन यात्रा अघि बढाउने शैलीमा अवश्य नै नयाँ पन छ । लेखकबाट आगामी दिनहरुमा चिन्तन र त्यस प्रवाहका निष्कर्षहरु थप पुस्तकाकारमा लिपिवद्ध हुँदै जानेछन् भन्ने विश्वास लिएको छु । मेरो धेरै धेरै शुभकामना छ, थप सफलताहरु प्राप्त हुँदै जाउन ।

स्वास्थ्य मन्त्री गगन थापाः

आधुनिक युगको विश्व नेतृत्व सार्वभौम ज्ञानले लिन सक्छ भन्ने लागेको छ । नेपालबाट निस्किएको यो ज्ञानलाई विश्व सामु पु¥याउनु हामी सबैको कर्तव्य सम्झेको छु ।

राष्ट्रकवी माधव प्रसाद घिमिरेः– कुलराज पौड्यालका सार्वभौम ज्ञान विषय तिनौटै पुस्तकहरुमा उल्लेखित ज्ञानलाई पहिले स्वानुभूति र त्यसपछि कार्य रुपमा उतार्न सकियो भने हामी अर्को युगमा प्रवेश गर्नेछौं ।

आदित्य दाहाल (नेपाली गुगल ब्याई)

शुभकामना विज्ञानलाई अध्यात्मवादले जित्नु पर्दछ ।

विश्व प्रसिद्ध महा मण्डलेश्वर कुमार श्वामी (भारत)- एह पुस्तक अलौकिक गिता जैसा हैं ।

स्वामी आनन्द अरुण (ओसो तपोवन) ः– दर्शन आफैंले बोधका लागि खुड्किलो बनाउन सक्छ । ब्रम्हाण्डको रहस्यलाई विश्मय भावले अंकमाल गर्न सक्छ । यो सुखद अनुभूति पनि हो । तर यो सबैभन्दा पर बोधको अन्तिम स्वप्रकाशित, शुद्ध चेतनाको उपलब्धी मानव जीवनको सर्वोत्म उपलब्धी हो । कुलराजजिको दर्शनको यो प्रयास सरहानिय छ ।

नाटककार अशेस मल्ल ः– ब्रम्हाण्डको अनन्त सत्य, अध्यात्मको वैज्ञानिक विश्लेषण र मानव मूल्यका वृहत पाटाहरुको अभिव्यक्ति प्रस्तुत ग्रन्थहरुका विशेषता हुन् । जीवन जगतका अनेकौं जटिल प्रश्नहरुका उत्तर भेटिनेछन् यि ग्रन्थमा ।

समग्रमा भन्न पर्दा यो दर्शन नेपालको लागि मात्र नभई वर्तमान मानव सभ्यताकै गौरव हुनेमा पाठक विश्वस्त हुन सक्छन् । मानव जातिको युगौ लामो ज्ञानको तिर्खा यो दर्शनले मेटाउन सक्छ र पाठकहरुले आफूमा अध्ययन पश्चात ज्ञानको नयाँ पूर्ण पाठ प्राप्त गरेको महसुस गर्दछन् । प्राविधिक पक्षलाई हेर्दा भाषागत शुद्धाशुद्धी केही बाँकी छन् । कतिपय शीर्षकहरुले थप व्याख्या खोजेका छन् । कतिपय सिद्धान्तहरुलाई सरलता प्रदान गर्नुपर्ने देखिन्छ । अन्तमा यो दर्शनलाई विभिन्न भाषाहरुमा उल्था गरी विश्वसामु पु¥याउनु हामी नेपालीको कर्तव्य पनि हो ।

Hyundai
nic asia
mahindra
hawali
alka

प्रतिकृया दिनुहोस

बिज्ञापन

mahindra

विचार

Hyundai

किनमेल

vianet

ग्लोबल

कला

अंग्रेजी संस्करणबाट

ब्लग

  • अमेरिकामा तालिम अमेरिकामा तालिम

    (तिब्बतबाट नेपाल आएपछि गोम्पोले पुनः विवाह गरे। सन् २००८ मा पनि मैले उनलाई भेटेको थिएँ। तिब्बती संस्कारमा मृतक व्यक्तिको नाम नभन्ने चलन छ। त्यो कुरा मलाई त्यतिबेलासम्म थाहा थिएन, थाहा भएको भए सोध्ने पनि थिइनँ। तिब्बती संस्कार थाहा पाएपछि मैले तिब्बतीसँग कुरा गर्दा नाम बताउन मिल्ने भए मात्र बताउनु होला भन्ने गरेको छु। गोम्पोले मृतक आमा र छोरीको नाम बताउँदा आँखाभरि आँसु लिएका थिए। मैले उनको पुरानो घाउ कोट्याएर दुःख दिएँ। मेरै कारण टलपलाएको थियो गोम्पोको आँखामा आँसु। क्षमा गर साङ्गे गोम्पो!)

    श्रीभक्त खनाल

  • कांग्रेस नेता विश्वप्रकाश शर्माको केपी ओलीलाई पत्र-किन छोड्नु भएको त्यो झापा? कांग्रेस नेता विश्वप्रकाश शर्माको केपी ओलीलाई पत्र-किन छोड्नु भएको त्यो झापा?

    म फेरि भन्छु हामी झापाली हुनुभन्दा अघि नेपाली हौं। नेपालको हित हुनसके झापाको पनि हित भइ हाल्छ। तर, हाम्रो सपनाको नेपाल भनेको सबै नेपाली काठमाडौंको भूगोलमा थुप्रने भन्ने होइन। आ-आफ्नो जिल्ला र गाउँ बनाउन दत्तचित्त हुनु भनेको पनि नेपाल बनाउन योगदान गर्नु हो। एक ‘राजनेता’ हुनुको हैसियतमा तपाईँको ब्यक्तित्वले शहरलाई होइन गाउँलाई केन्द्र बनाउन अपिल गर्नुपर्दथ्यो। गाउँको माटोलाई छाडेर शहरको धुलोमा देश खोज्न निरुत्साहित गर्नु पर्दथ्यो। कमरेड आफ्नै पिताजीलाई शोध्नुस् किन उहाँलाई प्रधानमन्त्री छोराको बालुवाटारमा भन्दा झापा गाउँको बालुवा र धुलोको बसाइ उचित लाग्यो?

  • उड्न त उडेँ तर, गुँड फर्किएको छैन उड्न त उडेँ तर, गुँड फर्किएको छैन

    मलाई सबैभन्दा बढी आनन्द चराहरू खिच्दा मिल्छ। यिनै चराहरूले मलाई सम्झाइरहन्छन् कि, म उड्न त उडेँ तर, गुँड फर्किएको छैन। चराहरूले पनि बसाइ सर्छन्। सबै चराहरूको फर्किने ठेगाना हुँदैन। सिमाना नै नभएका चराहरूसँग पनि जीवन संघर्षका कथाहरू छन्। आफूलाई बोकेको डुंगा पल्टिँदा जसरी मर्छन् हरेक दिन शरणार्थीहरू, चराहरू पनि आकाशबाटै फुत्त झर्छन् धर्तीमा आफ्नो जीवनको गती गुमाएर।

    निष्प्रभ सजी

साहित्यपाटी

पाठक विचार

लोकप्रिय

सिफारिस

सूचनापाटी

छापाबाट