नेपाली कांग्रेसका केन्द्रीय सदस्य प्रकाश शरण महतले कांग्रेसलाई संविधानको श्रेय नदिन विपक्षीले बखेडा झिकेको आरोप लगाएका छन्। उनले विपक्षी दलहरुले सत्ताको हिस्सा आफ्नो पक्षमा पार्न कांग्रेसलाई संविधान जारी गर्न नदिएको बताए।
रफत सञ्चार क्लवमा भक्तपुरमा आइतबार आयोजित कार्यक्रममा बोल्दै उनले विपक्षी आन्दोलनमा गए पनि त्यसको कुनै अर्थ नरहने समेत बताएका हुन्। संविधानको बाधक एमाओवादीसहितको मोर्चा भएको भन्दै उनले यो गठबन्धन अप्सरबाधि गुटका रुपमा देखा परेको टिप्पणी गरे।
एमाओवादी लगाएतका मोर्चाले सत्ताका लागि मात्र आन्दोलन गरेको आरोप लगाउँदै उनले एमाओवादीले संविधानसभा पछि बन्ने सरकारको हैसियत खोजेको बताए। उनले भने, 'बेमौसमको अन्दोलनले देशलाई निकास नदिने र संविधान जारीमा अवरोध मात्र उत्पन्न गर्ने देखे पछि मोर्चाकै अन्य दलहरुले समेत विस्तारै मोर्चा छाड्दै जानुले नेपाल र नेपालीलाई अन्दोलन नभएर संविधान चाहिएको स्पष्ट छ।
उनले संविधानसभा प्रक्रियामा गइसकेकाले नेपाली जनताको भावनअनुरुप संविधान जारी हुने विश्वास ब्यक्त गरे। नेपाली जनताको भावना मुखरित गर्ने सभा नै संविधानसभा भएकाले संविधानसभाबाट जारी भएको संविधान मात्र नेपाली जनताको हितमा हुने उनले बताए।
