पोखराबाट जोमसोमको लागि उडेको नेपाल बायु सेवा निगमको नाइन एनएबिओ ट्वीनटर बिमान जोमसोम बिमानस्थलमा अवतरण गर्ने क्रममा धावनमार्गबाट चिप्लिएर दुर्घटनामा परेको थियो ।
जहाज धावनमार्गबाट चिप्लिएर कालीगण्डकीमा खसेको हो ।
विमान दुर्घटनाबाट कुनै मानविय क्षती नभएपनि ६ जना गम्भिर घाइतेको पोखरामा उपचार भइरहेको प्रहरीले जनाएको छ । घाइतेहरुमा चालक दीपेन्द्र प्रधान, सहचालक एसके सिंह, परिचारिका सन्तमाया तामाङ, गोविन्द पहाडी, सुरेश केसी र एक जना जापानी पर्यटक रहेको प्रहरीले जनाएको छ । यस्तै समान्य घाइतेहरुमा डिल्लीराज पन्त, मधु पन्त, उमा थापा, सन्तोष बिक, ल्हक्पा ग्याल्जेन, छिरिङ टासी गुरुङ, कमिङ लोप्हान गुरुङ, याङजुङ गुरुङ र जिआर ठकुरी र ७ जना जापानी पर्यटकरहेका छन् ।
विमानमा चालक दलका ३ सदस्य र १९ यात्रुको सकुशल उद्दार गरिएको हो । विमानमा आगो नलागेकाले कुनै पनि मानविय क्षति नभएको हो । हेर्नुहोस तस्विरमा
दुर्घटनाग्रस्त जहाजको भग्नावसेस तस्विर सौजन्य: सुनिल रावल/ट्विटर