माओवादी नेता वर्षमान पुन 'अनन्त'को गाडीले मोटरसाइकललाई ठक्कर दिँदा एक युवकको ज्यान गएको छ।
पुनका भाई प्रनीश पुनले चलाएको बा ९ च ६९२२ नम्बरको गाडी बुधबार राती सौरभ थापाले चलाएको मोटरसाइकलसँग साझ साढे सात बजे सातदोबाटो यातायात व्यवस्था कार्यालय अगाडि ठोकीएको थियो।
पुन र थापा दुबै २० वर्षे युवा हुन्। दुर्घटनापछि थापाको उपचारको क्रममा पाटन अस्पतालमा राती १० बजे मृत्यु भएको प्रहरीले जनाएको छ।
प्रहरी निरिक्षक विश्वराज खड्काले मोटरसाइकल र गाडी दुबै प्रहरीको नियन्त्रणमा रहेको र सवारी ऐन अन्तर्गत कार्वाही अगाडि बढाइएको जानकारी गराए।
एनेकपा माओवादी पार्टीको नाममा दर्ता रहेको गाडी माओवादीले कब्जा गरेको चारीको गाडी हो। लामो विवादपछि सरकारले गतवर्ष माओवादी पार्टीको नाममा रहेका ९० वटा यस्ता चोरीका गाडी दर्ता गराई रातो नम्बर प्लेट उपलब्ध गराएको थियो।
ललितपुर एसपी कार्यालय अगाडि प्रहरीले नियन्त्रणमा लिएको माओवादी नेता वर्षमान पुनको बा९ च ६९२२ गाडी । तस्विर:सेतोपाटी