चुनावमा जान मोर्चा लगभग सहमत, भोलि टुंगो लाग्ने

चुनाव
  • Get News Alerts

tata

सरकारले मधेशी मोर्चालाई निर्वाचनमा सहभागी गराउन संविधानको नयाँ संशोधन विधेयक पुनः संशोधन गर्ने भएको छ।

मधेशी मोर्चा र संघीय गठबन्धनको मागलाई सम्बोधन गरेर निर्वाचनमा जाने गरी संविधानको नयाँ संशोधन प्रस्ताव परिमार्जन गर्न सरकार तयार भएको हो।

मधेशी मोर्चाका मागलाई सम्बोधन गरेर सबै राजनीतिक दलहरु निर्वाचनमा सहभागी हुने निर्णय लिइएको कांग्रेस वरिष्ठ नेता रामचन्द्र पौडेलले जानकारी दिए।

शुक्रबार साँझ बसेको संघीय गठबन्धनसहितको मधेशी मोर्चासँगको बैठकमा सत्तारुढ तीन दलले मधेशी मोर्चाले राखेको माग सम्बोधन गर्न सरकारले संसदमा दर्ता गराएको संशोधन प्रस्ताव पुन संशोधन गर्ने प्रतिवद्धता जनाएको हो।

शुक्रबार बिहान बसेको बैठकमा मधेश केन्द्रित दलहरुले निर्वाचनमा जाने संकेत गरेपछि सरकारले उनीहरुको मागलाई सम्बोधन गर्ने गरी संविधान संशोधनको नयाँ प्रस्ताव पनि संशोधन गर्ने तयारी गरेको हो। भोलि बस्ने बैठकमा नयाँ संविधान संशोधन प्रस्तावमाथि संशोधन हुने र सबै राजनीतिक दलहरु निर्वाचनमा जाने निर्णय लिएको वरिष्ठ नेता पौडेलले स्पष्ट पारे।

संघीय समाजवादी फोरम नेपालका सहअध्यक्ष राजेन्द्र श्रेष्ठले निर्वाचनमा जाने वातावरण बनाउने सरकारबाट प्रतिवद्धता आएको प्रतिक्रिया दिए।  उनले आफूहरु निर्वाचनको विरोधी नभएको पनि पटक पटक दोहोर्‍याए।

सरकारले भाषा, संविधानको धारा २ सय ७४ संशोधन गर्नूपर्ने लगायतका माग सम्बोधन गर्ने प्रतिवद्धता जनाएपछि  मधेशी मोर्चा निर्वाचनमा जान सहमत देखिएको हो। बैठकमा सत्तारुढ राष्ट्रिय प्रजातन्त्र पार्टीका शिर्ष नेताहरु पनि सहभागी थियो।

‘हामीले उठाउँदै आएका मागहरू सम्बोधन गर्न सरकार तयार भएको छ। यदि माग पुरा भएमा हामी निर्वाचनमा जान्छौ,’लक्ष्मणलाल कर्णले भने।

‘प्रधानमन्त्रीले कानुनी रूपमा भन्दा पनि राजनीतिक रूपमा समाधान गरेर निर्वाचनमा जाउँ, तपाईँहरूका मागको सम्बोधन म गर्छु भन्नुभएको छ,’ कर्णले भने,‘ अब चुनावमा जाने वातावरण बन्ला आशा गरौ।’

मोर्चाले धारा २८९मा राज्यका उच्च निकायमा बंशजको आधारमा नियुक्ति हुनुपर्छ भन्ने कुरालाई संशोधन गरेर वैबाहिक अंगिकृत र बंशज दुबै राख्नुपर्ने माग गरेको छ। यो सरकारले पेश गरेको संशोधन विधेयकमा छैन।

यस्तै मोर्चाले गाउँ पालिकाको  संख्या थप्न माग गरेको छ। यस्तै उसले प्रदेशको सीमांकनमा पनि समावेसी आयोग बनाएर गर्नुपर्ने बताएको छ।

 

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • समयमै दोस्रो चरणको निर्वाचन हुन्छ: देउवा

    समयमै दोस्रो चरणको निर्वाचन हुन्छ: देउवा

    नेपाली काँग्रेसका सभापति एवम् पूर्वप्रधानमन्त्री शेरबहादुर देउवाले काँग्रेस र नेकपा माओवादी केन्द्रबीच भएको सहमतिअनुरुप सरकारको नेतृत्व परिवर्तन गर्न प्रधानमन्त्री पुष्पकमल दाहालले पदबाट राजीनामा गरेकामा धन्यवाद दिएका छन्।

  • प्रधानमन्त्रीको राजीनामाले दोस्रो चरणको चुनाव अन्योलमा: एमाले

    बुधबार बसेको नेकपा एमाले स्थायी समितिको बैठकले यस्तो निष्कर्ष निकालेको एमाले सचिव योगेश भट्टराईले जानकारी दिए। बैठकपछि जारी विज्ञप्तिमा उनले लेखेका छन्,' हाम्रो पार्टीले संविधान संशोधन प्रस्ताव, प्रधानन्यायाधीशमाथिको महाअभियोग प्रस्ताव, स्थानीय तहको पहिलो चरणको निर्वाचनमा सरकारी तवरबाट भएका ज्यादतीहरुको संसदीय छानबिनको माग गरिरहेको बेला त्यसमा सरकारका तर्फबाट आवश्यक पहलकदमी लिएर राजनीतिक सहमतिको वातावरण निर्माण गर्नुपर्नेमा स्थानीय तहको घोषित निर्वाचन समयमै सम्पन्न गर्नुपर्ने जिम्मेवारी रहेको सरकारका प्रधानमन्त्रीले आफ्नो पदबाट राजीनामा दिएर परिस्थितिलाई झन् अन्योलपूर्ण बनाउनुभएको छ।'

  • आयोगले सरकारलाई भन्यो– स्थानीय तह थपे जेठ ३१ मा चुनाव गाह्रो

    आयोगले सरकारलाई भन्यो– स्थानीय तह थपे जेठ ३१ मा चुनाव गाह्रो

    निर्वाचन आयोगले मन्त्रिपरिषद्बाट निर्णय भए बमोजिम स्थानीय तह थप गर्दा जेठ ३१ मा चुनाव गर्न गाह्रो हुने सरकारलाई जानकारी गराएको छ। बालुवाटारमा बुधबार बिहान प्रधानमन्त्री पुष्पकमल दाहालसँग भएको भेटमा प्रमुख निर्वाचन आयुक्तसहितको टोलीले सरकारलाई उक्त जानकारी गराएको हो।

  • भरतपुर देवीको अग्रता १९ सयमा झर्‍यो, १४ नम्बर वडामा कांग्रेसको प्यानल विजयी

    भरतपुर महानगरपालिकामा माओवादी कांग्रेसको संयुक्त उम्मेद्वार रेणु दाहालले एमालेसँगको अग्रता छोट्याएकी छन्। १४ नम्बर वडाको मत गणना सकिएसँगै माओवादी केन्द्रकी रेणु दाहालले अग्रता छोट्याएकी हुन्।

  • राजनीतिक नैतिकताको खडेरी तोड्ने दृढ सङ्कल्प गरेको छु- प्रधानमन्त्री दाहाल

    प्रधानमन्त्री पुष्पकमल दाहाल ‘प्रचण्ड’ले नेपाली राजनीतिमा लामो समयदेखि विद्यमान नैतिकताको खडेरी तोड्ने दृढ सङ्कल्प गरेको बताएका छन्। प्रमुख सत्ता साझेदार दल नेपाली काँग्रेससँग भएको समझदारीअनुसार आज उनले बिना हिच्किचाहट प्रधानमन्त्री तथा मन्त्रिपरिषद्को कार्यालयबाटै राजीनामाको घोषणा गरे। उनी गत साउन १९ गते नेपाली काँग्रेससँग आलोपालो सत्ताको नेतृत्व सम्हाल्ने समझदारीअनुसार प्रधानमन्त्रीमा निर्वाचित भएका थिए।