निर्वाचनको काममा कहिँकतै बाधा-अवरोध छैनः आयोग

चुनाव
  • Get News Alerts

tata

निर्वाचन आयोगले निर्वाचनको काममा कहिँकतै बाधा-अवरोध नभएको जनाएको छ।

निर्वाचन आयुक्त इला शर्माले निर्वाचन आयोगको काममा कहीँकतै बाधा-अवरोध नरहेको जानकारी दिएकी हुन्।

कान्तिपथस्थित आयोगको कार्यालयमा संचारकर्मीमाझ कुरा गर्दै उनले मधेशका जिल्लाहरुमा समेत निर्वाचनको काममा अवरोध गर्ने खालका कुनै पनि गतिविधि नभएको स्पष्ट पारिन्। उनले निर्वाचनमा मधेश केन्द्रित सबै राजनीतिक दल सहभागी हुने विश्वास पनि व्यक्त गरिन्। मधेश केन्द्रित दलहरुले पनि निर्वाचनलाई सफल बनाउन सहयोग गरिरहेको उनको भनाई थियो ।

निर्वाचन आयोगले निर्वाचन सामग्रीहरु मुख्य निर्वाचन अधिकृतको कार्यालयमा पु¥याउने कामलाई तीव्रता दिएको छ। मतदात परिचय पत्र छपाईको काम पनि केही दिन भित्रै सकिने आयुक्त शर्माले बताइन्। निर्वाचन आयोगले मतपत्र छपाईको कामलाई पुरा गरिसकेको छ।

त्यसैगरी मतदाता परिचय पत्र वितरणको कामलाई भने निर्वाचन आयोगले सम्बन्धित मतदान केन्द्रमार्फत् बैशाख २७, २८ र २९ गते गर्ने योजना बनाएको छ। १ करोड ४० लाख ५४ हजार ४ सय ५२ जना मतदाताले स्थानीय तहको निर्वाचनमा भाग लिने निर्वाचन आयोगले जनाएको छ ।

 

Hyundai
nic asia
mahindra

प्रतिकृया दिनुहोस

बिज्ञापन

थप समाचार