बालुवाटार बैठक सकियो, बैठक सकारात्मक, फेरि पाँच बजे बस्ने

चुनाव
  • Get News Alerts

tata

मधेश केन्द्रित दलहरु निर्वाचन सहभागी हुन सकारात्मक देखिएका छन ।

मधेश केन्द्रित दल आवद्ध नवगठित राष्ट्रिय जनता पार्टी तथा संघीय गठबन्धनका नेताहरुले आफूहरुको माग सम्बोधन हुनेगरी संविधान संशोधन गर्न सरकार तयार भए निर्वाचनमा सहभागी हुने प्रतिक्रिया दिएका हुन्।

 सत्तारुढ काँग्रेस/माओवादी केन्द्र र मधेश केन्द्रित दलहरुबीच शुक्रबार बिहान प्रधानमन्त्री निवास बालुवाटारमा भएको छलफलमा सरकारले संविधान संशोधन प्रक्रिया अघि बढाउने र मधेश केन्द्रित दलहरु निर्वाचनमा सहभागी हुने विषयमा छलफल भएको थियो ।

आफूहरुको माग सम्बोधन गर्न सरकार तयार भए निर्वाचनमा सहभागी नहुने कुनै नआउने नवगठित राष्ट्रिय जनता पार्टीका नेता लक्ष्मणलाल कर्णले जानकारी दिए। उनले मधेशका जनतालाई अनुभूति हुनेगरी संविधान संशोधन भने हुनैपर्ने अडान दोहोर्‍याए।

मधेश केन्द्रित दलहरु निर्वाचनमा जाने संकेत देखिएपछि प्रधानमन्त्री दाहालले त्यससम्बन्धि समान धारणा बनाउन दिउँसो दिन बजे सत्तारुढ प्रमुख तीन दलको बैठक बोलाएका छन्।  सत्तारुढ दलहरुसँग समान धारणा बनाएर प्रधानमन्त्री दाहालले आजै अपरान्ह पाँच बजे बैठक बसी मधेश केन्द्रित दलहरुलाई निर्वाचनमा सहभागी गराउने योजना बनाएका छन्।

यसैबीच बैठकमा सहभागी उपप्रधान एवम् गृहमन्त्री बिमलेन्द्र निधिले आजको बैठक अहिलेसम्मकै सबैभन्दा सकारात्मक भएको प्रतिक्रिया दिए।

‘आजको बैठकबाट हामी एकदमै आशावादी भएका छौ, वैठक सकारात्मक छ,’ निधिले भने।

संविधान संशोधन प्रक्रिया अघि बढाएर निर्वाचनमा जाने सरकारले गरेको प्रस्तावमा मधेश केन्द्रित दलहरु सकारात्मक देखिएको सत्तारुढ नेकपा माओवादी केन्द्रका नेता वर्षमान पुनले जानकारी दिए। उनले मधेश केन्द्रित दलहरुलाई निर्वाचनमा सहभागी गराउन सरकारले आजै ठोस निर्णय लिने दावी समेत गरे।

बैठकमा दुबै पक्षले एक आपसमा भएका मिस अण्डरस्टाण्डलाई पहिचान गरेर सहमति गर्ने संशोधन प्रस्ताव अगाडि बढाउने र निर्वाचन पनि दुई चरणमा गर्ने विषयमा गम्भीर छलफल भएको थियो।

 प्रमुख पाँच दलको बुधबार बसेको बैठकले मधेश केन्द्रित दलहरुलाई निर्वाचनमा सहभागी गराउन प्रधानमन्त्री पुष्पकमल दाहाललाई अन्तिम समयसम्म पहल गर्न सुझाव दिएको थियो । बैठकमा कांग्रेस सभापति शेरबहादुर देउवा, नवगठित राष्ट्रिय जनता पार्टीका शिर्ष नेताहरु, उपेन्द्र यादव नेतृत्वको संघीय समाजवादी फोरम नेपालका नेताहरु अशोक राईसहितका नेताहरु सहभागी भएका थिए ।

प्रधानमन्त्री निवास बालुवाटारमा भएको बैठकमा सत्तासीन दल र मधेसवादी दलका शीर्ष नेताहरु सहभागी थिए। बैठकमा प्रधानमन्त्री पुष्पकमल दाहाल, कांग्रेस सभापति शेरबहादुर देउवा, गृहमन्त्री बिमलेन्द्र निधि, कांग्रेस नेताहरु रामचन्द्र पौडेल, सशांक कोइराला, प्रकाशमान सिंह, माओवादी केन्द्रका नेता वर्षमान पुन , मोर्चाका नेताहरु महन्त ठाकुर, राजेन्द्र महतो, अशोक राई, राजेन्द्र श्रेष्ठ, अनिलकुमार झा, शरतसिंह भण्डारी, महेन्द्र राय यादव, हृदयेश त्रिपाठीलगायत सहभागी थिए।

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • कहाँ र किन चुके प्रभावशाली नेता ?

    कहाँ र किन चुके प्रभावशाली नेता ?

    दुई दसकपछि भएको स्थानीय तहको निर्वाचनमा आफ्नो भविष्य दाउमा राखेर चुनावी मैदानमा भिडेका प्रमुख दलका अधिकांश नेताहरु जितबाट चुकेका छन् । राजनीतिक भविष्य ‘वार कि पार’ को अवस्थामा सिन्धुपाल्चोकबाट चुनावी स्पर्धामा उत्रिएका नेताहरुले हारेपछि उनीहरुलाई संकटसमेत परेको छ । टिकटकै लागि पनि आफ्नै पार्टीभित्र निकै संघर्ष गरेको जिल्लाका उच्च तहका नेताहरुलेसमेत हार व्यहोरेकाले अबको राजनीतिक बाटो खोज्नुपर्ने अवस्था आउँछ ।

  • पोखरा महानगरमा एमाले विजयी, मेयरमा मानबहादुर उमेयरमा मन्जु

    पोखरा महानगरमा एमाले विजयी, मेयरमा मानबहादुर उमेयरमा मन्जु

    नेकपा एमालेले बहुमत वडासहित पोखरा लेखनाथ महानगरपालिकाको प्रमुख र उप प्रमुख विजयी भएका छन्। शुक्रबार सम्पन्न मतपरिणाम अनुसार पोखरा लेखनाथ महानगरपालिकाको प्रमुख र उप प्रमुखमा एमाले उम्मेदवार विजयी भए।  

  • भरतपुरमा एमालेले फेरि मतान्तर बढायो, १६ नम्बर वडामा कांग्रेस अगाडि

    भरतपुरमा एमालेले फेरि मतान्तर बढायो, १६ नम्बर वडामा कांग्रेस अगाडि

    भरतपुर महानगरपालिकामा एमालेका देवी ज्ञवालीले माओवादी केन्द्रकी रेणु दाहाल सँगको मत अन्तर फेरि बढाएका छन्। अहिले माओवादी केन्द्रकी मेयर पदकी उम्मेद्वार रेणु दाहालको भन्दा एमालेका मेयर पदका उम्मेद्वार देवी ज्ञवालीको १६ सय २७ मत बढी छ।

  • नेटो सम्मेलनमा मोन्टेनिग्रोका प्रधानमन्त्रीलाई ट्रम्पको धक्का

    नेटो सम्मेलनमा मोन्टेनिग्रोका प्रधानमन्त्रीलाई ट्रम्पको धक्का

    गम्भीर मुद्रा मुस्कुराउँदै ट्रम्प अघि बढ्छन् र अघि बढ्ने क्रममा मार्कोभेजको पाखुरामा हातले हिर्काउँछन्। मार्कोभेज आश्चर्यचकित हुन्छन् र त्यसपछि मुस्कुराउँदै ट्रम्पलाई बाटो अग्र पंक्तिमा फोटो खिच्न ठाउँ छाडिदिन्छन्।

  • काठमाडौँ महानगरमा पाँच वडाका मत गन्न बाँकी

    काठमाडौँ महानगरपालिकामा अझै ५ वटा वडाको मतगणना जारी छ। अन्य २७ वडाको मतगणना सकिइसकेको र अब छिटै यी पाँचको पनि सकिने मुख्य निर्वाचन अधिकृत दिपेन्द्र अधिकारीले सेतोपाटीलाई जानकारी दिए।