संघीय समाजवादी फोरम नेपालका अध्यक्ष उपेन्द्र यादवले स्थानीय तहको चुनाव घोषणा गरेर सरकार आफैं द्वन्द्व चर्काउन लागि परेको आरोप लगाएका छन्।
अध्यक्ष यादवले स्थानीय चुनावले विद्यमान द्धन्द्ध मत्थर पार्नुको सट्टा बढाएर लैजाने भएकाले त्यस्तो मुर्खतापुर्ण निर्णय नगर्न सरकारलाई आग्रह समेत गरे। रिपोर्टर्स क्लबमा शनिबार आयोजित कार्यक्रममा अध्यक्ष यादवले संविधान जारी गर्नुभन्दा अगाडि देखिको राजनीतिक द्वन्द्व, असमझदारी संविधान जारी गरिसक्दा पनि उत्तिकै रहेको भन्दै पहिलो प्राथमिकता संविधान संशोधनलाई दिईनुपर्ने उल्लेख गरे।
सीमांकनमा देखिएको समस्या समाधान नगरिकन मुलुकको समस्या समाधान नहुने भन्दै अध्यक्ष यादवले मुलुभुत समस्यालाई थाती राखेर अघि बढ्न नसकिने बताए। उनले विगतमा भएका सम्झौतालाई कार्यान्वयन नगर्ने सरकारसंग वार्तामा बस्नुको औचित्य नभएको दाबी गरे। विगतमा आफूहरुले विभिन्न २६ बुँदे माग प्रस्तुत गरेको भन्दै ती विषयको सम्बोधन गरिनुपर्ने पनि उनले माग गरे।
