प्रमुख प्रतिपक्षी दल नेकपा एमालेले सीमांकनलाई थाती राखेर अरू विषय अगाडि बढाउनेबारे तत्काल सहमति गर्न नसक्ने जानकारी प्रधानमन्त्रीलाई दिएको छ।
प्रधानमन्त्री पुष्पकमल दाहालको आसन्न चीन भ्रमणअघि सिंहदरबारस्थित सभामुखको च्याम्बरमा भएको भेटमा उक्त कुरा राखेको हो।
प्रमुख प्रतिपक्षी दलका अध्यक्ष केपी ओली, उपाध्यक्ष वामदेव गौतम र नेपाली कांग्रेसका नेता कृष्ण सिटौला सम्मिलित बैठकमा एमालेले यस्तो धारणा राखेको हो।
बैठकबाट बाहिरिएका उपाध्यक्ष गौतमले प्रधानमन्त्रीले राखेको प्रस्ताव हामीले तत्काल स्वीकार्न नसक्ने बताएका हुन्।
बैठकमा संविधान संशोधनको विषयबारे सीमांकनलाई अहिले होल्ड गरी अरू विषय भाषा, नागरिकता र राष्ट्रिय सभाको प्रतिनिधित्वका विषयमा समझदारी गरि अगाडि बढौं भनेर प्रधानमन्त्रीले भन्नु भयो। तर हामी अहिले नै सहमति गरेर अगाडि बढ्न सक्दैनौ,’ गौतमले भने, ‘हामी संवैधानिक क्रियाकलापमा सामेल हुन्छौ। तर तत्कालै सहमति गर्न सक्दैनौ।’
सत्तारूढ दल र मधेसी मोर्चाबीच बनाएको कार्यदलको तर्फबाट सिटौलाले तयार गरेको विषयबारे पनि प्रधानमन्त्रीले जानकारी गराउनु भयो उहाँले
मोर्चासँग भएको सकारात्मक छलफलमा एमालेको पनि सहभागिता चाहिन्छ। त्यसो भएर मोर्चा एमालेसँग सकारात्नक भएको छ भन्नु भयो। हामी प्रधानमन्त्री भने जसरी आजै टुंगोमा पुग्न सकेनौ।
गौतमले यसका लागि समय लाग्ने र छलफल हुनुपर्ने बताए।
उनले सरकारले मोर्चासँगको विषयमा कुनै ठोष प्रस्ताव नल्याएको भन्दै आफूहरूले तत्काल कुनै निर्णय गर्न नसक्ने बताए।
‘प्रधानमन्त्रीज्यूले हामी सँगै बसेर एउटा साझा प्रस्ताव बनाउ भन्नुभयो हामी त्यसमा सामेल हुँदैनौ,’ हामीले भन्यौ।
बैठकमा प्रधानमन्त्रीले आजै गर्न लागेको चीन भ्रमणको जानकारी गराएका थिए । उनले आपसी सम्धन्ध सुधारबारे चीन भ्रमण हुने जानकारी गराए।
अहिले प्रधानमन्त्री र मोर्चाका शीर्षनेताहरूबीच बालुवाटारमा बैठक बस्दैछ।