राप्रपा र प्रहरीबीच झडप, दर्जनौ घाइते

  • Get News Alerts

united
उपप्रधानमन्त्री, मन्त्रीसहितका राप्रपा कार्यकर्ता सडकमै धर्ना बसे
tata

उपप्रधान तथा स्थानीय विकास मन्त्री कमल थापा र मन्त्रीसहित निर्वाचन आयोगको कार्यालय घेराउ गर्न गएका राष्ट्रिय प्रजातन्त्र पार्टीका नेता-कार्यकर्ता र प्रहरीबीच झडप भएको छ।  निर्वाचन आयोगले आफ्नो विधानबाट राजसंस्था र हिन्दु राष्ट्र शब्द हटाएको भन्दै त्यसको विरोध जनाउँदै आएको राप्रपाले सोमबार बहादुर भवनस्थित आयोगको कार्यालयमा धर्ना कार्यक्रम राखेको थियो।

रत्नपार्कबाट बहादुरभवन पुगेका कार्यकर्ताले सुरक्षाकर्मीको घेरा तोड्न खोजेपछि प्रहरीसँग झडप भएको हो। झडपमा परी पूर्वअध्यक्ष पशुपतिशमशेर जबरा, सयन्द्रा वान्तवा, रोशन कार्की, राजाराम बर्तौलालगायत दर्जनौं कार्यकर्ता घाइते भएको राप्रपाका सह-प्रवक्ता मोहन श्रेष्ठले सेतोपाटीलाई बताए।

ऋषि देवकोटा, सरस्वती केसी, कोमल ओली, निरञ्जन थापा, सावित्री थापा, मीना जोशी, सिर्जना रानी बर्मालगायतका दर्जनौ कार्यकर्ता घाइते भएको उनले बताएका छन्।

स्थिति नियन्त्रणका लागि प्रहरीले पाँच सेल अश्रुग्यास प्रहार गरेको थियो। 

झडप पछि राप्रपाका कार्यकर्ताले सडकमै बसी प्रहरीको ज्यादती विरुद्ध नाराबाजी गरेका थिए ।

झडपको केही समयपछि मात्रै वर्तमान सरकारका उपप्रधानमन्त्री तथा स्थानीय विकास मन्त्री समेत रहेका पार्टी अध्यक्ष कमल थापा सो स्थान पुगेका थिए। झडपका बाबजुत अध्यक्ष थापा नेतृत्वको टोलीले निर्वाचन आयोगले पार्टीको विधानबाट हिन्दु राष्ट्र र राजसंस्था शब्द हटाएको सम्बन्धमा विरोध गर्दे निर्णय माथि पुर्नविचार गर्न आग्रह गर्दे आयोगलाई ज्ञापन पत्र बुझाएको छ।

राप्रपाले सोमबार मुलुकभरका जिल्ला निर्वाचन कार्यालयमा एक घण्टा धर्ना दिई ज्ञापनपत्र बुझाएको छ । त्यसपछि राप्रपा अध्यक्ष थापासहित शीर्ष नेताहरू होटल एल्लो प्यागोडा अगाडि सडकमै धर्नामा बसेका थिए।

Hundai
nic asia

प्रतिकृया दिनुहोस

बिज्ञापन

थप समाचार

  • काँग्रेसले निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई दिने

    काँग्रेसले निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई दिने

    सत्ता साझेदार नेपाली काँग्रेसले स्थानीय तहको निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई नै दिने भएको छ। पार्टी केन्द्रीय कार्य समितिको मंगलबार सम्पन्न बैठकले निर्वाचन क्षेत्रलाई नै स्थानीय तहको निर्वाचनको उम्मेदवारी तय गर्ने जिम्मेवारी दिएको हो।

  • ८० न्यायाधीश नियुक्तिविरुद्ध सर्वोच्चमा रिट

    ८० न्यायाधीश नियुक्तिविरुद्ध सर्वोच्चमा रिट

    उच्च अदालतमा ८० न्यायाधीश नियुक्ति विरुद्ध २ नायव महान्यायाधीवक्ता र २ सहन्यायाधीवक्ताले सर्वोच्च अदालतमा रिट दायर गरेका छन्। न्यायाधीश नियुक्तिमा कानुन सेवामा आफुहरु विशष्ट तह र वरिष्ठ हुँदा हुँदै नियुक्ति नगरेकोमा आक्रोसित अधिकारीहरु सर्वोच्च अदालत गएका हुन्। उनीहरु नियुक्तिमा नपरेपछि महान्यायाधीवक्ताको कार्यालयका कर्मचारी संगठनले फागुन ११ देखि तिनदिनसम्म मुलुकभरको बहस बहिस्कार गरेका थिए। त्यस बहस बहिस्कारमा रिट निवेदकहरुले साथ दिएका थिए।

  • प्रधानमन्त्री ल्हासामा, भोलि स्वदेश फर्कंदै

    प्रधानमन्त्री ल्हासामा, भोलि स्वदेश फर्कंदै

    प्रधानमन्त्री पुष्पकमल दाहाल ‘प्रचण्ड’ले चीनको स्वशासित क्षेत्र तिब्बतको राजधानी ल्हासास्थित ऐतिहासिक पोताला दरबारको आज अवलोकन गरेका छन्। सिचुवान प्रान्तको राजधानी छन्दुबाट आज बिहानै ल्हासा आउनुभएका उनले तिब्बत परिषद्का अध्यक्ष क्विइ जिनसँग द्विपक्षीय सम्बन्धबारे छलफल गरेका प्रधानमन्त्रीका निजी सचिवालयले जनाएको छ।

  • सङ्घीयता अनुकूल नभएपछि शिक्षा नियमावली फिर्ता

    सङ्घीयता अनुकूल नभएपछि शिक्षा नियमावली फिर्ता

    सङ्घीयताको ढाँचाअनुकूल नभएको जनाउँदै प्रधानमन्त्री तथा मन्त्रिपरिषद्को कार्यालयले शिक्षा मन्त्रालयले पेस गरेको शिक्षा नियमावली–२०७३ को मस्यौदा फिर्ता गरेको छ। छ महिनादेखिको गृहकार्यपछि मन्त्रालयले पेस गरेको सो मस्यौदामा पुनःसंरचना भइसकेको ‘स्थानीय तह’ लाई मान्यता नदिइएकाले फिर्ता भएपछि के गर्ने भन्ने तयारीमा शिक्षा मन्त्रालयको नेतृत्व लागिपरेको छ।

  • केन्द्रमा बढीमा सोह्र मन्त्रालय हुने

    केन्द्रमा बढीमा सोह्र मन्त्रालय हुने

    सामान्य प्रशासन मन्त्रालयले केन्द्रमा बढीमा १६ मन्त्रालय रहने प्रारम्भिक मस्र्यौदा प्रतिवेदन तयार पारेको छ। सचिव मोहनकृष्ण सापकोटाको संयोजकत्वमा गठित केन्द्र, प्रदेश र स्थानीय तहको प्रशासनिक सङ्गठनात्मक, संरचना र संस्थागत व्यवस्थापन समितिलाई सहयोग गर्न गठित उपसमितिले केन्द्रमा बढीमा १२ देखि १६ को सङ्ख्यामा मन्त्रालयमा बनाउने मस्यौदा प्रतिवेदन तयार पारेको समितिका सदस्य नन्दराज ज्ञवालीले जानकारी गराए। 

Hundai

लोकप्रिय

vianet

सूचनापाटी