coke Skip Ad >>

नेपालीको साझा मानसिकता बनाउन आवश्यक- सञ्चारमन्त्री

चुनाव
  • Get News Alerts

tata

सूचना तथा सञ्चारमन्त्री सुरेन्द्रकुमार कार्कीले नेपाल बनाउने साझा मानसिकताको विकासका लागि सञ्चार क्षेत्रले महत्वपूर्ण भूमिका खेल्नुपर्ने बताएका छन्।

नेपाल पत्रकार महासङ्घ, नेपाल टेलिभिजन प्रतिष्ठान शाखाको अधिवेशनको आज यहाँ उद्घाटन गर्दै उनले भने— “विश्वका अरु मुलुकभन्दा नेपाल पछाडि पर्नुमा नेपालीत्वको मानसिकता कमजोर भई पार्टीगत पक्षधरता हाबी हुनु हो ।”

मन्त्री कार्कीले भने – “गणतन्त्र नेपालमा जनताका अपेक्षा धेरै छन्, तिनलाई पूरा गराउने राज्यको पहल जारी रहनेछ, यसमा पत्रकारिता क्षेत्रको पनि भूमिका उत्तिकै आवश्यक छ, नकारात्मक र राजनीतिक हाबीमा भन्दा सकारात्मक र जनताका हितका समाचार लेखेर राष्ट्र«लाई योगदान हुन सक्छ ।”

पत्रकारको न्यूनतम पारिश्रमिक कानुन बमोजिम उपलब्ध गराउन सञ्चारगृहलाई ध्यानाकर्षण गराएको बताउँदै उनले त्यसो भएमा सरकारले सञ्चार क्षेत्रलाई उद्योगको मान्यता दिने स्पष्ट पारे।

सो अवसरमा महासङ्घका अध्यक्ष डा महेन्द्र विष्टले श्रमजीवी पत्रकारका मुद्दामा आफूहरुले निरन्तर आवाज उठाएर पनि पूर्ण कार्यान्वयन हुन नसकेको बताए। 

शाखाका अध्यक्ष शालिक सुवेदीको अध्यक्षतामा सम्पन्न कार्यक्रममा नेपाल टेलिभिजनका अध्यक्ष महेश दाहाल, महाप्रबन्धक सचिन रोका, न्यूनतम पारिश्रमिक निर्धारण समितिका अध्यक्ष पोषण केसीलगायतले अधिवेशन सफलताको कामना गरे। शाखाको बन्दसत्रले नयाँ नेतृत्व चयन गर्नेछ । रासस 

Hyundai
nic asia
mahindra

प्रतिकृया दिनुहोस

बिज्ञापन

थप समाचार

  • भरतपुरमा एमालेले सुरुदेखि नै मतपरिणाम प्रभावित पार्न खोजेको थियोः माओवादी केन्द्र

    भरतपुरमा एमालेले सुरुदेखि नै मतपरिणाम प्रभावित पार्न खोजेको थियोः माओवादी केन्द्र

    नेकपा माओवादी केन्द्रले भरतपुर महानगरको मतगणना रोकिनुमा एमाले कारण रहेको बताएको छ। सोमबार विज्ञप्ति जारी गर्दै चितवन माओवादीले एमालेले सुरुदेखि नै मत परिणामलाई प्रभावित पार्न स्वतन्त्र उम्मेदवारको पास प्रयोग गरी अनाधिकृत मानिसहरुलाई प्रवेश गराउने लगायतका काम गरेको बताएको छ।

  • भरतपुर १९ मा फेरि मतदान गर्नुपर्ने कांग्रेसको माग

    भरतपुर १९ मा फेरि मतदान गर्नुपर्ने कांग्रेसको माग

    चितवन कांग्रेसका सभापति जीतनारायण श्रेष्ठले सोमबार विज्ञप्ति जारी गर्दै घटना हुनुमा निर्वाचन आयोग कारक रहेको उल्लेख गरेका छन्। ‘निर्वाचन आयोगमा मतगणना प्रक्रियालाई व्यवस्थित गर्न पटक पटक आग्रह गर्दा समेत व्यवस्थित नगरिएको कारण उक्त घटना हुन पुगेको हो’ विज्ञप्तिमा भनिएको छ।

  • प्रकाश दाहालले भने, 'सरकारले दिने भनेको पदक लिन्न'

    प्रकाश दाहालले भने, 'सरकारले दिने भनेको पदक लिन्न'

    प्रधानमन्त्री पुत्र प्रकाश दाहालले सरकारले दिने भनेको सुप्रवल जनसेवा श्री पदक नलिने घोषणा गरेका छन्। सरकारले गणतन्त्र दिवसका अवसरमा उनलाई सुप्रवल जनसेवा श्री पदक दिने घोषणा गरेको थियो।

  • उत्तर कोरियाद्वारा पुनः आणविक क्षेप्यास्त्र परीक्षण

    उत्तर कोरियाद्वारा पुनः आणविक क्षेप्यास्त्र परीक्षण

    उत्तर कोरियाले पुनः एक पटक आज अर्को आणविक क्षेप्यास्त्रको परीक्षण प्रक्षेपण गरेको दक्षिण कोरियाली सैनिक प्रमुखले जानकारी दिएका छन्। स्थानीय समयानुसार सोमबार बिहान पौने छ बजे तिर उत्तर कोरियाको पूर्वी सामुद्रिक तटमा अवस्थित उन्सान प्रक्षेपणस्थलबाट परीक्षण प्रहार गरिएको उक्त क्षेप्याश्त्र छोटो दूरीसम्म मार हान्न सक्ने स्कड मिसाइल वा यस्तै प्रकृतिको भएको अनुमान गरिएको छ।

  • महानगरमा सुशासनको अनुभूति हुने गरी काम गर्छु – पोखरा प्रमुख जिसी

    महानगरमा सुशासनको अनुभूति हुने गरी काम गर्छु – पोखरा प्रमुख जिसी

    पोखरा–लेखनाथ महानगरपालिकाका प्रमुख मानबहादुर जिसीले महानगरमा सुशासनको अनुभूति हुने गरी काम गर्ने बताएका छन्। दशौँ गणतन्त्र दिवसका अवसरमा गणतन्त्र मूल समारोह समिति पोखराले आज यहाँ आयोजना गरेको समारोहमा पद बहाली गरेपछिको पहिलो सार्वजनिक कार्यक्रममा बोल्दै प्रमुख जिसीले १० दिनभित्र सुखी र समृद्धि महानगर बनाउन परिणाम निस्कने गरी कामको सुरुवात गर्ने दृढता व्यक्त गरे।