झापामा राप्रपाको पुल्ठे जुलुस, प्रमुख आयुक्तको पु्त्ला दहन

  • Get News Alerts

united
tata

निर्वाचन आयोगले आफ्नो पार्टीको घोषित नीति संवैधानिक राजतन्त्र र हिन्दू राज्यप्रतिको विषयलाई हटाएको भन्दै राष्ट्रिय प्रजातन्त्र पार्टीले आन्दोलन शुरू गरेको छ।

निर्वाचन आयोगको निर्णय विरुद्ध आईतवार साँझ राप्रपाले झापाका अधिकांश ठाउँमा पुल्ठे जुलुस निकालेर प्रदर्शन गरेको छ । निर्वाचन आयोग मुर्दावाद, राष्ट्रिय प्रजातन्त्र पार्टी जिन्दावाद, हिन्दू एकता जिन्दावाद, संवैधानिक राजतन्त्र जिन्दावादलगायतका नारा लगाउँदै पुल्ठे जुलुस निकालिएको हो।

राप्रपाका महामन्त्री राजेन्द्र लिङ्गदेनका अनुसार जिल्लाका मेचीनगर, भद्रपुर, झिलझिले, गौरादह, कन्काई, पथरिया , घेरावारीलगायतका स्थानमा पुल्ठे जुलुस निकालिएको हो।

विर्तामोडमा राप्रपाका कार्यकर्ताले निर्वाचन आयोगका प्रमुख आयुक्त अयोधिप्रसाद यादवको पुत्ला दहन गरेका छन्। सो कार्यक्रममा राप्रपाका महामन्त्री लिङ्गदेनले सम्बोधन गरे। कोण सभामा बोल्दै महामन्त्री लिङ्गदेनले निर्वाचन आयोगलाई राप्रपाको विधानबाट राजासहितको हिन्दु राष्ट्र हटाउन पाउने अधिकार नभएको बताए। उनले भन,‘निर्वाचन आयोगले निर्वाचन गराउने माहोल विथोल्न बखेडा झिकेको छ आफ्नो अधिकार भन्दा बाहिर गएर कुनै पनि राजनितिक पार्टीको विधानमा भएको मुख्य मुद्दा चलाउन निर्वाचन आयोग लाई अख्तियारी छैन।’

यता शिवसताक्षी नगरको थेचम्वु चोकबाट शुरु भएको जुलुससहितको पुल्ठो  २ सय मिटर पार गर्न नपाउदै प्रहरीले खोसेर निभाएको छ। ईलाका प्रहरी कार्यलय झिलझिलेका प्रहरीले पुल्ठो खोसेर निभाउन थालेपछि पार्टीका कार्यकर्ताले सरकार विरुद्ध पनि चर्का नारावाजी गरेका थिए।

सरकार विरुद्ध नारामा आक्रोश पोख्दै झिलझिले बजारमा आएर जुलुस कोणसभामा परिणत भएको थियो । सो कोण सभालाई राप्रपाका जिल्ला सदस्य उमानाथ दाहाल, जिल्ला परिषद सदस्य घनस्याम मैनाली शिवसताक्षी नगर अध्यक्ष रामवहादुर श्रेष्ठले सम्बोधन गरेका थिए।

पार्टीको मुख्य प्रस्तावमा नै उल्लेख भएको संवैधानिक राजतन्त्र र हिन्दू राज्यको धारणा निर्वाचन आयोगले विना कारण हटाइदिएको भन्दै तत्काल आयोगले निर्णय नसच्याए सडक चर्काउने धम्कि उनीहरूले दिए। उनीहरुले भने राप्रपा सरकारमा गयो भनेर निर्वाचन आयोगले जे गर्दा पनि हुन्छ भन्ने सरकारले ठानेको भए त्यो आफ्ना पार्टीका लागि दुर्भाग्य हुन्छ।

‘राप्रपा सरकारमा सहभागी हुनु भनेको निर्वाचनको माहोल बनाउन मात्र हो,’ नगर सभापति श्रेष्ठले भने, ‘गलत निर्णय नसच्चिए सरकार छाडेर राप्रपा सडकमा आउँछ।’

Hyundai
nic asia

प्रतिकृया दिनुहोस

बिज्ञापन

थप समाचार

  • संशोधन विधेयक पारित गराउन एमालेलाई देउवाको आग्रह

    संशोधन विधेयक पारित गराउन एमालेलाई देउवाको आग्रह

    ‘यसमा एमालेको केही कुरा छ भने पनि संसदबाट समेट्न हामी तयार छौं। त्यसका लागि एमालेले पनि यो प्रस्तावलाई सकेसम्म मिलाएर पारित गराउनुपर्छ।’ उनले यदि एमालेले प्रस्तावमाथि समर्थन गर्नै नसक्ने अवस्था आए प्रक्रिया रोक्न नहुने देउवाले बताए। विस्तृतमा

     

  • 'सार्वभौमसम्पन्न जनसरकार निर्माणका लागि निर्वाचन'

    माओवादी केन्द्र ३ नं प्रदेश इन्चार्ज लीलामणि पोखरेलले स्थानीय तहको निर्वाचन अधिकारको विकेन्द्रीकरणका लागि नभएर हस्तान्तरणका लागि भएको बताएका छन्। शुक्रबार हेटौँडा उपमहानगरपालिका–४ को चुनावी प्रचारप्रसार तथा सम्पर्क कार्यालयको उद्घाटन गर्दै उनले जनताले खोजेको जस्तो सार्वभौमसम्पन्न जनसरकार निर्माणका लागि स्थानीय तहको निर्वाचन गर्न लागिएको बताए। 

  • बागलुङमा निर्वाचनको तयारी तीव्र

    बागलुङमा निर्वाचनको तयारी तीव्र

    स्थानीय तह निर्वाचनको तयारी तीव्र पारिएको छ । जिल्ला निर्वाचन कार्यालय व्यवस्थापकीय काममा जुटेको छ । गाउँ गाउँमा मतदाता शिक्षा दिन स्वयम्सेवक खटिएका छन् । नब्बे प्रतिशत निर्वाचन सामग्री आइसकेको जिल्ला निर्वाचन अधिकारी विकासचन्द्र शर्माले जानकारी दिए। “मतदानस्थलमा पठाउने सामग्री तयारी हालतमा राखेका छौँ”, शर्माले भने।

  • सर्वदलीय बैठक सकियो, चुनाव मिति र बजेट केन्द्रित बहस

    सर्वदलीय बैठक सकियो, चुनाव मिति र बजेट केन्द्रित बहस

    प्रधानमन्त्री पुष्पकमल दाहालले डाकेको सर्वदलीय बैठकमा शुक्रबार मधेसी मोर्चासँगको सहमति अनुसार सरकारले संविधान संशोधन परिमार्जनसहित पारित गर्ने, निर्वाचनलाई दुई चरणमा सम्पन्न गर्ने तथा आगामी बजेटको विषयमा छलफल भएको थियो।

  • सेना परिचालनको निर्णयप्रति फोरमको आपत्ति

    सेना परिचालनको निर्णयप्रति फोरमको आपत्ति

    स्थानीय तहको निर्वाचनमा नेपाली सेना परिचालन गर्ने सरकारको निर्णयप्रति सङ्घीय समाजवादी फोरम नेपालले आपत्ति जनाएको छ । सो पार्टीले आज विज्ञप्तिमार्फत नेपाली सेना जस्तो व्यावसायिक सङ्गठनलाई चुनावी सुरक्षाका नाममा देशको आन्तरिक मामिलामा परिचालन गर्दा यसको गरिमा, प्रतिष्ठा र वर्षौंदेखि कायम रहिआएको व्यावसायिकतामाथि आँच पुग्न सक्ने जनाएको छ ।

Hyundai

लोकप्रिय

vianet

सूचनापाटी