आइजी मुद्दामा आज फैसला आएन, भोलि फेरि सुनुवाई हुने

  • Get News Alerts

united
आजको बहसमा के के भयो ?
tata

नेपाल प्रहरीको महानिरीक्षक (आइजिपी) विवादसम्बन्धी सुनुवाई भोलिका लागि सरेको छ। आज विपक्षी वकिलहरूले बहस गरेका थिए। भोलि सरकार तर्फका २ जना वकिलले बहस गर्नेछन्। भोलिको बहस सकिएपछि भोलिनै फैसला आउन सक्छ। 

यो मुद्दा आज प्रधानन्यायाधीशसहित हरिकृष्ण कार्की, ईश्वरप्रसाद खतिवडा, आनन्दमोहन भट्टराई र अनिलकुमार भट्टराईको पूर्ण इजलासले हेरेको थियो। भोलि पनि यही इजलासले हेर्ने  छ।

विहान बहस सुरु हुनु अघि महान्यायाधीवक्ता रमण श्रेष्ठले इजलासमा तोकीएका प्रधान्यायाधीश कार्की र न्यायाधीश हरिकृष्ण कार्कीले यो रिटमाथि सुनुवाई गर्न नमिल्ने तर्क इजलास समक्ष राखेका थिए। 

'प्रधानन्यायाधीश र न्यायाधीश कार्कीले यो रिटमा पहिलै आदेश दिइसक्नु भएको छ। हरिकृष्ण श्रीमानले त यो रिटको मेरिटमै पसेर प्रधान्नयायाधीशले गरेको अन्तरकालिन आदेशलाई निरन्तरता दिनुभएको थियो। बाहिर पनि यो मुद्दाबारे विभिन्न कुरा आइरहेका छन् श्रीमान, यो मुद्दा तपाईँहरुले हेर्न मिल्दैन,' महान्यायाधीवक्ता श्रेष्ठको तर्क थियो।

प्रधानन्यायाधीश कार्कीले भने रिट निवेदनको हकमा पहिलै आदेश दिएका न्यायाधीशले पछि पनि सुनुवाइ गर्न नमिल्ने कुरा कानुनमा नलेखिएको भन्दै आफुहरुले यो रिटको सुनुवाई गर्न मिल्ने बताएकी थिइन्।

'तपाईँलाई एउटाकुरा बताइदिन्छु, हाम्रा अग्रजहरुले यो नियम बसालेर गएका हुन्। रिटको हकमा पहिले आदेश दिएका न्यायाधीशले पछि पनि सुनुवाई गर्न मिल्ने नियम प्रधानन्यायाधीश रामकुमार प्रसाद साहका पाला देखि नै बसेको हो। तपाईँको मर्म तपाईँलाई होला हाम्रो पनि मर्म छ, रिटमा आदेश गरेका न्यायाधीशले अर्को पटक त्यो हेर्न नपाउने हो भने हाम्रा हजारौँ मुद्दा थाति हुन्छन्। हामीलाई धान्न गाह्रो हुन्छ। हामीलाई यो रिटमा सुनुवाई गर्न कानुनले छेकेको छैन ल सुरु गरौँ।' प्रधान्नयायाधीश कार्कीले भनेकी थिइन्।

त्यसपछि भने महान्यायाधीवक्ता श्रेष्ठ पछि हटेका थिए।

' कानुनमा त छैन। हुन त यो कुरा हामीले भन्ने भन्दा पनि श्रीमानहरुको निर्णय हो। मैले ध्यानाकर्षण गरेको मात्र हो,' यति भनेर उनी बसेका थिए। 

त्यसपछि  बहस रिट निवेदक पक्षका वकिलहरुले सुरु गरेका थिए। यो फैसला हुनु अघिको अन्तिम बहस हो। 

न्यायाधीशद्वय ईश्वरप्रसाद खतिवडा र तेजबहादुर केसीको इजलासले यो रिटमाथिको सुनुवाई चैत ६ गतेलाई सारेको थियो। ६ गते भने पूर्ण इजलासमा राख्ने आदेश गरेको उक्त इजलासले बढुवा गर्दाको मूल्याङन फाइल पनि पठाउन सरकारलाई आदेश गरेका थिए।

आदेश खारेज भए सरकारलाई चन्दको सिफारिस कार्यान्वयन गर्ने कानुनी बाटो खुल्नेछ भने आदेश निरन्तरता दिए चन्द आइजीपी हुन पाउने छैनन्।  सरकारले फागुन १ गते डिआईजी जयबहादुर चन्दलाई आइजीपी बढुवाका लागि सिफारिस गरेको थियो। आइजीपी सिफारिस गरेको दुई घन्टा बित्न नपाउँदै सर्वोच्चले सरकारको निर्णय यथास्थितीमा राख्न अन्तरकालीन अन्तरिम आदेश जारी गरेको थियो।

अदालतको आदेशपछि सिफारिस कार्यान्वयनमा रोक लागेको थियो। सरकारले डिआइजी चन्दलाई आइजिपीमा बढुवा गरेपछि त्यसविरुद्ध आइजिपीका दाबेदार सिलवाल र नियुक्ति अघि र पछि अधिवक्ता कपिलदेव ढकालले रिट दायर गरेका थिए। रिटमाथिको पहिलो सुनुवाइमा प्रधानन्यायाधीश सुशीला कार्कीले सरकारले चन्दलाई गरेको बढुवा यथास्थानमा राख्न आदेश दिएकी थिइन्।

Hundai
nic asia

प्रतिकृया दिनुहोस

बिज्ञापन

थप समाचार

  • सरकारको अधिकारमा सर्वोच्चको हस्तक्षेप भएको कांग्रेस केन्द्रीय समितिको निर्णय

    सरकारको अधिकारमा सर्वोच्चको हस्तक्षेप भएको कांग्रेस केन्द्रीय समितिको निर्णय

    पार्टीले गरेको निर्णय पत्रको ६ नम्बर बुँदामा संवैधानिक सर्वोच्चता र बहुदलीय लोकतान्त्रिक गणतन्त्रात्मक संसदीय शासन प्रणालीको सिद्धान्त स्विकार गर्दै नेपालको संविधानले कार्यकारिणी अधिकारको स्पष्ट व्याख्या गरेको भएता पनि प्रहरी प्रमुख नियुक्ति सम्बन्धमा सर्वोच्च अदातलले हालसालै गरेको निर्णयले कार्यकारिणी अधिकार क्षेत्रमा हस्तक्षेप भएको महसुस गरेको उल्लेख छ।

  • आयोगका उपाध्यक्ष डा श्रेष्ठ बैंकक प्रस्थान

    आयोगका उपाध्यक्ष डा श्रेष्ठ बैंकक प्रस्थान

    राष्ट्रिय योजनाका आयोगका उपाध्यक्ष डा मीनबहादुर श्रेष्ठ दिगो विकासका लागि एशिया प्रशान्त मञ्चको संयुक्त राष्ट्रसङ्घ आर्थिक तथा सामाजिक आयोग (युएनस्क्याप) को बैठकमा सहभागी हुन आज थाइल्यान्डको बैंकक प्रस्थान गरेका छन्। 

  • लोकतान्त्रिक प्रक्रियामा आएर सबैले चुनावमा भाग लिनुपर्नेः एमाले महासचिव

    लोकतान्त्रिक प्रक्रियामा आएर सबैले चुनावमा भाग लिनुपर्नेः एमाले महासचिव

    नेकपा एमालेका महासचिव ईश्वर पोखरेलले ‘प्रधानमन्त्रीले तयारीबिना चीन भ्रमण गरेकाले’ भ्रमण उपलब्धिविहीन भएको बताएका छन्। बुधबार महोत्तरीमा हुने २ नं प्रदेशस्तरीय कार्यकर्ता भेलामा सहभागी हुन जाने क्रममा एमाले सिन्धुलीले सिन्धुलीमाडीमा आज आयोजना गरेको भेटघाटका क्रममा उनले अघिल्ला प्रधानमन्त्री केपी शर्मा ओली चीन भ्रमणमा जाँदा भएका सम्झौताको पूर्ण कार्यान्वयन नहुँदा चीन नेपालप्रति सन्तुष्ट नभएको विचार व्यक्त गरे। 

  • राजनीतिक अस्थिरतालाई निर्वाचनले टुङ्गो लगाउँछः पौडेल

    राजनीतिक अस्थिरतालाई निर्वाचनले टुङ्गो लगाउँछः पौडेल

    नेपाली काँग्रेसका वरिष्ठ नेता रामचन्द्र पौडेलले देशमा देखिएका राजनीतिक अस्थिरतालाई निर्वाचनले टुङ्गो लगाउने बताएका छन्। नेपाल तरुण दलले आज सदरमुकाम दिक्तेलमा आयोजना गरेको जागरणसभालाई सम्बोधन गर्दै उनले स्थानीय निकायको निर्वाचनमार्फत देशमा देखिएका सबै राजनीतिक अस्थिरता समाधान हुनेमा आफू विश्वस्त रहेको स्पष्ट पारे। 

  • काँग्रेसले निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई दिने

    काँग्रेसले निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई दिने

    सत्ता साझेदार नेपाली काँग्रेसले स्थानीय तहको निर्वाचनको उम्मेद्वार तय गर्ने जिम्मेवारी सम्बन्धित निर्वाचन क्षेत्रलाई नै दिने भएको छ। पार्टी केन्द्रीय कार्य समितिको मंगलबार सम्पन्न बैठकले निर्वाचन क्षेत्रलाई नै स्थानीय तहको निर्वाचनको उम्मेदवारी तय गर्ने जिम्मेवारी दिएको हो।

Hundai

लोकप्रिय

vianet

सूचनापाटी