आगामी वैशाख ३१ गते हुने स्थानीय तहको निर्वाचनमा निर्वाचन आयोगमा जिल्ला र केन्द्रमा दर्ता भएको सबै दलले भाग लिन पाउने भएका छन्।
संविधानको धारा २६९ बमोजिम आयोगमा दर्ता भई पुनः स्थानीय निर्वाचन प्रयोजनको लागि माघ १७ सम्ममा जिल्ला निर्वाचन कार्यालयमा विवरण उपलब्ध गराउने राजनीतिक दल चुनावमा भाग लिन पाउने निर्वाचन आयोगले जनाएको हो ।
विभिन्न जिल्लाबाट आयोगमा ११२ दल दर्ता भएका छन्। यसरी दर्ता भएका सबै दलले निर्वाचनमा भाग लिन पाउने भएका छन्।
स्थानीय तहको निर्वाचनका लागि भनेर फागुन १६ गते आयोगले निकालेको सूचनाका आधारमा मधेस केन्द्रित दलबाहेक ८१ दलले मात्रै स्थानीय तहको निर्वाचनमा भाग लिने इच्छा प्रकट गरेका थिए। मधेस केन्द्रीत दलले जिल्लामा दर्ता गराएको भएकाले आगामी स्थानीय चुनावमा उनीहरूले समेत भाग लिन पाउने आयोगले जनाएको हो ।
आयोगले २०७० मा भएको दोस्रो संविधानसभा निर्वाचनको समानुपातिकमा ल्याएको मतका आधारमा निर्वाचन चिन्हसमेत प्रदान गरिसकेको छ।
हेर्नुहोस् जिल्लागत रुपमा दर्ता भएका राजनीतिक दल र ती दलको चुनाव चिन्ह विस्तृतमा