सरकार दिएको समर्थन फिर्ता लिएका मधेसी मोर्चाका नेताहरु सत्तारुढ कांग्रेस र माओवादी केन्द्रसँग छलफल गर्न सिंहदरबारस्थित प्रधानमन्त्री कार्यालय पुगेका छन्। मन्त्रिपरिषद् बैठक चलिरहँदा मोर्चा नेताहरु प्रधानमन्त्री कार्यालय आएका हुन्। मोर्चा नेताहरुसँग वार्ता गर्न नेपाली कांग्रेसका सभापति शेरबहादुर देउवा, नेताहरु प्रकाशमान सिंह, कृष्णप्रसाद सिटौला पनि प्रधानमन्त्री कार्यालय पुगेका छन्।
मोर्चाका अन्य नेताहरु पनि प्रधानमन्त्री कार्यालय आउने क्रम जारी छ।
केपी ओली सरकारलाई हटाएर दाहाललाई प्रधानमन्त्री बनाउन सहयोग गरेको मोर्चाले हिजोमात्र सरकारलाई दिएको समर्थन फिर्ता लिने निर्णय गरेको थियो।