चुनाव स्थगीत गर्नुपर्ने माग राख्दै संघीय समाजवादी फोरम नेपालका अध्यक्षसँग संयुक्त विज्ञप्ति निकालेका नयाँ शक्ति नेपालका संयोजक बाबुराम भट्टराईको पार्टीभित्रबाट विरोध भएको छ।
पार्टीका ९ केन्द्रीय सदस्यले नयाँ शक्ति पार्टीलाई चुनाव विरोधी देखाउने गरी विज्ञप्ति जारी गर्ने भट्टराई एकल निर्णयमा आफूहरुको असहमति रहेको बताएका छन्। ‘सो वक्तव्यमा सही गर्ने आफ्नो एकल निर्णय तत्काल फिर्ता लिन संयोजक भट्टराईलाई आह्वान गर्दछौं’, विज्ञप्तिमा भनिएको छ।
विज्ञप्ति जारी गर्नेमा केन्द्रीय सदस्यहरु निर्मल भट्टराई, मोहन बम, देव लिम्बू, हरिराम रिमाल, चन्द्रदेव ओझा, युवी घिमिरे, सहदेव न्यौपाने, अशोकराज ढुंगेल र मुनिन्द्र बस्नेत रहेका छन्।
बिहिबार भट्टराई र यादवले वैशाख ३१ का लागि तोकिएको स्थानीय तहको निर्वाचन स्थगीत गर्न माग गर्दै विज्ञप्ति निकालेका थिए।