मधेशी मोर्चाका नेता लक्ष्मणलाल कर्णले संविधान संशोधन प्रस्ताव परिमार्जनसहित पारित गर्नुपर्ने बताएका छन्। बिहीबार रिपोर्टर्स क्लब नेपालले आयोजना गरेको साक्षात्कारमा बोल्दै नेता कर्णले सरकारले संसदमा टेबुल गराएको संशोधन प्रस्तावमा उल्लेख गरिएका विषयहरु नागरिकता, भाषा र सिमांकन परिमार्जनसहित पारित गर्नुपर्ने बताएका हुन्।
उनले भने,‘नागरिकताको सवालमा वैवाहिक अंगीकृतलाई अधिकार दिने भनेको हो। भाषामा पहिले पाएको अधिकारलाई पनि खोसिएको छ। त्यसलाई सुनिश्चित गर्नुपर्छ।’
उनले मोर्चाले भनेजस्तोगरी प्रस्ताव परिमार्जनसहित पारित भए संविधान कार्यान्वयनमा साथ दिने बताए। मधेशी मोर्चा सधैं निर्वाचनको पक्षमा रहेको जिकिर गर्दै कर्णले थपे,‘सरकारले पानी खन्याईरहेको छ, तर कुन भाँडो हो भन्ने कुरा थाहा छैन।’ उनले स्थानीय तहको पुनर्संरचना गर्दा संख्यालाई प्रतिनिधित्व नगरेकोमा आपत्ति जनाए।
उनले आयोगले अघि सारेको रिपोर्ट आफूहरुलाई कुनैपनि हालतमा मान्य नहुने चेतावनी दिए। जबरजस्ती चुनाव गरिए आफूहरुले सकेको जवाफ दिने उनको भनाई थियो।