नेपाली कांग्रेसका रौतहट सभापति एंव पूर्व सांसद कृष्णप्रसाद यादवले छोरीको बिहेमा सहभागी गृह मन्त्री र पार्टी सभापतिलाई हेलिकोप्टरको व्यवस्था गरेका छन्।
यादवले पठाएको एयर डाइनास्टीको हेलिकोप्टर चढेर उपप्रधान तथा गृह मन्त्री विमलेन्द्र निधि र कांग्रेस सभापति शेरबहादुर देउवा आइतबार रौतहटको बरियारपुर पुगेका थिए। गृह मन्त्री निधिले हेलिकोप्टरको व्यवस्था यादवले नै गरेको बताए। ‘उहाँले नै हामीलाई लिन हेलिकोप्टरको व्यवस्था गर्नु भएको हो’, निधिले भने, ‘मन्त्रालय वा सरकारको पैसामा गएको होइन्।’
विवाहमा सहभागी हुन पुगेका कांग्रेस सभापति देउवाले सञ्चारकर्मीसँग कुरा गर्दै वैशाखभित्र स्थानीय तहको चुनाव हुने बताएका थिए।
यादव २०६४ सालको संविधान सभा निर्वाचनमा रौतहटबाट प्रत्यक्ष निर्वाचित सांसद हुन्। पार्टीमा उनी देउवा र निधिका एकदमै निकट मानिन्छन्। गत अधिवेशनमा मोहम्मद अफताब आलमलाई हराउँदै उनी जि्ल्ला सभापति बनेका थिए।