नेपाली काँग्रेसका नेता तथा खानेपानी तथा सरसफाई राज्यमन्त्री दिपक खड्काले सहमतिबिना गरिने निर्वाचन पूर्वराजा ज्ञानेन्द्र शाहले गरेजस्तै हुने बताएका छन्।
शनिबार रिपोर्टर्स क्लब नेपालले आयोजना गरेको साक्षात्कारमा बोल्दै मन्त्री खड्काले भने,‘सबै दलहरुलाई एक ठाउँमा ल्याएर सहमतिमै चुनावको मिति घोषणा गर्ने तयारीमा सरकारमा छ। सहमतिबिना कुनै चुनाव हुन्न भन्ने हामीलाई विश्वास छ।’ उनले दलहरुबीच सहमति भए बाँकी रहेको समयमा सबै तहको निर्वाचन गर्न सम्भव रहेको जिकिर गरे। उनले सहमतिबिना गरिने निर्वाचन पूर्वराजा ज्ञानेन्द्र शाहले गरेजस्तै हुने टिप्पणी गरे।
उनले अघि भने,‘संशोधन प्रस्तावमाथि छलफल गरौं, त्यसपछि चाँडै निर्वाचन गर्न सरकार आतुर छ।’ उनले सरकारले हचुवाको भरमा चुनावको मिति घोषणा नगर्ने स्पष्ट पारेका छन्।