प्रमुख प्रतिपक्षी दल नेकपा एमालेका प्रभावशाली नेता एवम् पूर्वमन्त्री रघुवीर महासेठले सुन पछिल्लो समय तस्करीमा गृह र अर्थमन्त्रालयको संलग्नता रहेको आरोप लगाएका छन्।
शनिबार रिपोर्टर्स क्लब नेपालले आयोजना गरेको साक्षात्कारमा बोल्दै उनले भने,‘यो सानोतिनो माछाको काम नै होईन। तस्करीमा स्वयम् गृह र अर्थमन्त्रालयको संलग्नता छ। अरुबाट यो काम हुनै सक्दैन।’
नेता महासेठले सुन तस्करीबारे छानविन गर्न सरकारले स्वतन्त्र छानविन आयोग गठन गर्नुपर्ने समेत माग गरे। उनले भने, ‘प्रचण्डजीले आफ्नो क्रान्तिकारी छवि बचाउन पनि सुनकाण्डबारे छानविन गर्न सर्वोच्च अदालतका रिटार्यड न्यायधीश वा स्वतन्त्र मानवअधिकारकर्मीको नेतृत्वमा आयोग गठन गर्नुपर्छ। अहिले गृहमन्त्रालयमार्फत भइरहेको छानविन नाटकमात्रै हो, यसले केही काम गर्न सक्दैन।’
