सर्वोच्च अदालतले अख्तियार प्रमुख हुन अयोग्य भन्दै नियुक्ति नै बदर गरेको लोकमानसिंह कार्कीविरुद्धको महाअभियोग प्रस्तावको प्रक्रिया अघि बढाउन सिफारिस समितिले तीन सदस्यीय उपसमिति गठन गरेको छ। सदस्यहरुमा कांग्रेसका दीपक कुइँकेल, एमालका रेवती रमण भण्डारी र माओवादीका रामनारायण विडारी छन्।
उपसमितिले १५ दिनभित्र कार्कीविरुद्धको महाअभियोगबारे सबै छानबिन गरी प्रतिवेदन बुझाउनुपर्नेछ।
सिंहदरबारमा बसेको वैठकमा समितिले महान्यायाधीवक्ता रमण श्रेष्ठलाई बोलाएको थियो। उनले महाअभियोग अघि बढाउने वा नबढाउने निर्णय समितिकै भएको बताएका थिए।