सरकारले भूकम्पपीडितलाई केही दिन भित्रै दोस्रो किस्ताको साढे १ लाख रुपैयाँ दिने भएको छ। त्यसका लागि राष्ट्रिय पुनर्निर्माण प्राधिकरणले अर्थ मन्त्रालयसँग २८ अर्ब रुपैयाँ माग गरेको छ।
प्राधिकरणका सहप्रवक्ता भीष्मकुमार भुषालले दोस्रो किस्ता लागि अर्थ मन्त्रालयले निकासा दिएलगत्तै सो पैसा सम्बन्धित जिल्ला विकास समितिको खातामा जम्मा गरिने बताए। ‘निकासा भएको रकम १४ जिल्लाका जिविस कार्यालयमा पठाइदिन्छौं,’ भुषालले भने, ‘लाभग्राहीको माग अनुसार प्रक्रिया पुरा गरेर जिविसले उनीहरुको खातामा दोस्रो किस्ताको रकम हालिदिन्छन्।’
भूकम्प अति प्रभावित ११ जिल्लाका करिब २० हजारले दोस्रो किस्ताको लागि निवेदन दिएको भूषालले बताए।
गत फागुन ३० गतेदेखि पहिलो किस्ताको रकम वितरण सुरु गरिएपनि समयमा कार्यविधि पास नहुँदा अहिलेसम्म पीडितले दोस्रो किस्ताको डेढ लाख रुपैयाँ पाउन सकेका छैनन्।
पहिला सरकारले पीडितलाई घर बनाउन २ लाख रुपैयाँ दिने भनेको थियो। पुष्पकमल दाहाल नेतृत्वको सरकार अनुदान रकम बढाएर तीन लाख दिने बताएको थियो। तर समयमै कार्यविधि पारित नहुँदा दोस्रो किस्ताको बजेट निकासा हुन सकेको थिएन। ‘जिविसमा पैसा भएपछि उनीहरुले चाहिएको पैसा दिँदै जान्छन्,’ भुषालले भने, ‘अब अनुदान
