सरकार उल्टो बाटोमा हिँड्योः पोखरेल

  • Get News Alerts

united
tata

नेकपा एमालेका स्थायी कमिटी सदस्य शंकर पोखरेलले संविधान कार्यान्वयन गर्ने बेला संशोधनको मुद्दा उठाएर सरकार उल्टो बाटोमा हिँडेको बताएका छन्।

संविधान कार्यान्वयन गरी निर्वाचन गर्नुपर्ने बेला संविधान संशोधनको कुरा उठाएर संविधान असफल पार्ने खेलमा सत्तापक्ष नै लागेको आरोप लगाए। प्रेस चौतारी नेपाल रूपन्देहीले बिहीबार बुटवलमा आयोजना गरेको पत्रकार सम्मेलनमा बोल्दै नेता पोखरेलले चोर बाटोबाट टेबुल गरिएको संशोधन विधेयक संसदबाट फेल हुने दाबी गरे।

नेता पोखरेलले भारतको ईशारामा सरकार नै संविधान संशोधनको नाममा मुलुकलाई दुई राष्ट्रियतामा विभाजनमा गर्ने षडयन्त्रमा लागेको दाबी गरे। ‘पहाड र तराईका जिल्लाहरुलाई अलग अलग प्रदेशमा विभाजन गर्दै अन्ततः मुलुकलाई पहाडी राष्ट्रवाद र तराई राष्ट्रवादमा विभाजन गर्ने षडयन्त्र भईरहेको छ,’ उनले भने।

उनले प्रदेश विभाजनको एजेण्डा नेपालको नभएर कतैबाट लादिएको दाबी गर्दै पहाड र तराईका जिल्लालाई अलग अलग प्रदेशमा राख्नु राष्ट्रिय हित विपरित हुने जिकिर गरे। भारतीय राजदूत रणजित रायले व्यक्त गरेका अभिव्यक्तिबाट पनि भारत नेपाललाई तराई र पहाडमा विभाजन गर्ने षडयन्त्रमा लागेको पुष्टि गरेको बताए।

नेता पोखरेलले प्रधानमन्त्री प्रचण्ड र नेपाली कांग्रेसले कसैको प्रभावमा प्रदेश विभाजनको प्रस्ताव अगाडि सारेको बताए। उनले वैवाहिक नागरिकलाई नेपालमा नागरिकता प्राप्त गर्न कुनै समस्या नभएको उल्लेख गर्दै अंगिकृत नागरिकलाई पनि वंशज सरह अधिकार दिनुपर्छ भन्ने कुरा मान्य हुन नसक्ने बताए। ‘अहिले पनि भारतमा बिहे गरेर जाने नेपाली महिलाले त्यहाँको नागरिकता प्राप्त गर्न ७ वर्ष पर्खिनुपर्छ तर नेपालमा बिहे गरेर आउने वित्तिकै नागरिकता प्राप्त हुने गरेको छ।’

९० प्रतिशत सांसदले जारी गरेको संविधान मान्दिन भन्नु कानुन विपरित रहेको भन्दै उनले १० प्रतिशतलाई खुशी तुल्याउन ३३ प्रतिशतलाई बाहिर राख्नु गलत हुने तर्क गरे।

Hundai
nic asia

प्रतिकृया दिनुहोस

बिज्ञापन

थप समाचार

  • भक्तपुरमा मेयरका प्रत्याशीहरुबाट भोट माग्नै सुरु

    भक्तपुरमा मेयरका प्रत्याशीहरुबाट भोट माग्नै सुरु

    जिल्ला तहदेखि केन्द्रीय तहसम्मका नेताकहाँ आफूले टिकट पाउनुपर्ने दाबी गर्दै विभिन्न दलका नेताहरु धाउन थालेका छन् । जिल्लाका चारवटा नगरपालिकामध्ये भक्तपुर नगरपालिकाको तुलनामा मध्यपुरथिमि, सूर्यविनायक र चाँगुनारायण नगरपालिकामा मेयरको उम्मेदवार बन्ने नेताको लर्को लागेको हो ।

  • आरआरमा स्थगित स्ववियु निर्वाचन आगामी मङ्गलबार हुने

    आरआरमा स्थगित स्ववियु निर्वाचन आगामी मङ्गलबार हुने

    फागुन २३ गते स्थगित भएको प्रर्दशनीमार्गस्थित रत्नराज्यलक्ष्मी क्याम्पस (आरआर)को स्वतन्त्र विद्यार्थी युनियन (स्ववियु) निर्वाचन आगामी मङ्गलबार हुने भएको छ । क्याम्पस प्रमुख डा निर्मलकुमार सुवालले सूचना प्रकाशित गर्दै स्थगित भएको निर्वाचन आगामी मङ्गलबार हुने जानकारी गराएका हुन्।

  • चीनको विकासले नेपाललाई पनि सहयोग पुग्ने: प्रधानमन्त्री दाहाल

    चीनको विकासले नेपाललाई पनि सहयोग पुग्ने: प्रधानमन्त्री दाहाल

    प्रधानमन्त्री पुष्पकमल दाहाल ‘प्रचण्ड’ ले चीनको आर्थिक, सामाजिक विकासले नेपालको आर्थिक सामाजिक विकासमा ठूलो सहयोग पुर्‍याउने विश्वास व्यक्त गरेका छन्। बेइजिङस्थित नेपाली दूतावासले शनिबार साँझ आयोजना गरेको स्वागत कार्यक्रमलाई सम्बोधन गर्दै प्रधानमन्त्री ‘प्रचण्ड’ले चीनले नेपालमा शान्ति र विकास चाहेकोप्रति हामी सराहना व्यक्त गर्दछौँ भने।

  • उच्चस्तरीय छानबीन आयोग महोतरीमा

    उच्चस्तरीय छानबीन आयोग महोतरीमा

    तराई, मधेस, थरुहट आन्दोलनको क्रममा भएको घटनाहरु बारे सत्य तथ्य पत्ता लगाउन सरकारले पूर्वन्यायाधीश गिरीशचन्द्र लालको अध्यक्षतामा गठन गरेको उच्चस्तरीय छानविन आयोगले शनिबार र आईतबार महोत्तरीका पीडितसँग सोधपुछ तथा उजुरी संकलन गरेको छ।

  • मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    ऊर्जामन्त्री जनार्दन शर्माले सम्पूर्ण युवालाई जलविद्युत् उत्पादनको महाअभियानमा सहभागी भई मुलुकलाई आत्मनिर्भर बनाउने लक्ष्यका साथ अगाडि बढ्न आह्वान गरेका छन्। नेकपा (माओवादी केन्द्र)को सहायक सङ्गठन योङ कम्युनिष्ट लिग काठमाडौँको दोस्रो जिल्ला सम्मेलनलाई यहाँ आज उद्घाटन गर्दै मन्त्री शर्माले ‘नेपालको पानी जनताको लगानी’ भन्ने नारा सबै युवालाई जलविद्युत् क्षेत्रमा लगाउने लक्ष्यका साथ सरकारले अगाडि सारेको बताए।

लोकप्रिय

vianet

सूचनापाटी