लोकमानविरुद्धको महाअभियोग अब के होला?

  • Get News Alerts

united
tata
सर्वोच्च अदालतले जुन दिन लोकमान सिंह कार्कीको नियुक्ति बदर गर्यो, त्यसै दिन उनीविरुद्ध संसदमा विचाराधीन महाअभियोग प्रस्ताव महाअभियोग सिफारिस समितिमा पठाइएको छ।
 
सर्वोच्चले आइतबार ‘सेवा अवधि नपुगेको, उच्च नैतिक चरित्र र ख्याति नपुगेको’ भन्दै अख्तियार दुरुपयोग अनुसन्धान आयोगका प्रमुख आयुक्तमा कार्कीको नियुक्ति बदर गरेको थियो। यो आदेशपछि उनीविरुद्ध संसदमा विचाराधीन महाअभियोग प्रस्ताव के हुन्छ भन्ने चासो बढेको छ।
 
नियुक्ति नै बदर भइसकेपछि कार्कीविरुद्धको महाअभियोग प्रस्ताव त्यत्तिकै निस्क्रिय हुने एकथरी सांसदहरू नै बताउँछन्। अर्काथरी भने सर्वोच्चको आदेश आएकै दिन महाअभियोग प्रस्ताव अघि बढेकाले अब यससम्बन्धी संसदीय प्रक्रिया निस्क्रिय हुन नसक्ने तर्क गर्छन्। 
 
सर्वोच्चको आदेश र महाअभियोगको उद्देश्य फरक भएकाले पनि एउटाको सट्टा अर्को प्रयोग नहुने उनीहरूको राय छ। सर्वोच्चले गरेको आदेश संविधानमा तोकिएको योग्यताअनुसार कार्की अख्तियारका प्रमुख आयुक्त हुन योग्य छैनन् भन्नेमा केन्द्रित छ। जबकि, महाअभियोग प्रस्तावले कार्कीका काम–कारबाही छानबिन गरी अनुचित पुष्टि भए दण्ड गर्नेछ। 
 
‘नियुक्ति बदर हुनु र उनलाई महाअभियोग लगाउनु फरक कुरा हो,’ महाअभियोग सिफारिस समितिका सदस्य एवं एमाले सांसद रेवतीरमण भण्डारीले मंगलबार सेतोपाटीसँग भने, ‘त्यसैले, यो प्रस्ताव त्यत्तिकै तुहिने कुनै गुञ्जायस छैन। यो प्रस्तावमा संविधानको धारा १०१ को उपधारा ९ आकर्षित भइसकेको छ।’
 
संविधानको उक्त धारामा महाअभियोग प्रमाणित भए ती व्यक्तिले पाउने सरकारी सुविधा कटौती हुने र भविष्यमा समेत अयोग्य ठहरिने प्रावधान छ। ‘सर्वोच्चले त लोकमानको नियुक्ति मात्र बदर गरेको हो, महाअभियोगको विषय बाँकी छ,’ भण्डारीले भने, ‘सरकारी सेवा–सुविधा कटौती गर्न र भविष्यमा समेत अयोग्य ठहर्याउन महाअभियोग अघि बढ्नुपर्छ।’
 
समितिका अर्का सदस्य तथा माओवादी केन्द्रका सांसद अमनलाल मोदीले पनि महाअभियोग प्रस्ताव सिफारिस समितिमा पेस भइसकेकाले अब जुनसुकै अवस्थामा अघि बढ्ने बताए। ‘संसदले महाअभियोग प्रस्ताव सिफारिस समितिमा पठाइसकेको छ, अब यो संवैधानिक व्यवस्थाअनुसारै अघि बढ्छ,’ उनले भने।
 
समितिका एक सदस्यले भने राजनीतिक सहमतिका आधारमा अप्रत्यक्ष रूपले टुंग्याउने हो भने महाअभियोग प्रस्ताव तामेलीमा राख्न सकिने बताए। ‘संसद अदालतजस्तो नभइकन राजनीतिक थलो पनि हो,’ उनले भने, ‘सर्वोच्चको निर्णयलाई मात्र आधार मानेर महाअभियोग प्रस्ताव तामेलीमा राख्ने हो भने कार्कीको सरकारी सेवासुविधा नखोसिने र भविष्यका लागि अयोग्य पनि नठहरिने हुन्छ।’
 
संसदले महाअभियोग प्रस्ताव तामेलीमा राख्नसक्ने सम्भावना भने कम छ। तामेलीमा राखियो भने पनि त्यसैलाई आधार मानेर अदालतमा मुद्दा पर्न सक्ने ती सांसदले बताए। 
 
संसद नियमावलीअनुसार अदालत जान नमिल्ने भए पनि संविधानअनुसार अदालत जान मिल्ने व्यवस्था छ। 
Hundai
nic asia

प्रतिकृया दिनुहोस

बिज्ञापन

थप समाचार

  • भक्तपुरमा मेयरका प्रत्याशीहरुबाट भोट माग्नै सुरु

    भक्तपुरमा मेयरका प्रत्याशीहरुबाट भोट माग्नै सुरु

    जिल्ला तहदेखि केन्द्रीय तहसम्मका नेताकहाँ आफूले टिकट पाउनुपर्ने दाबी गर्दै विभिन्न दलका नेताहरु धाउन थालेका छन् । जिल्लाका चारवटा नगरपालिकामध्ये भक्तपुर नगरपालिकाको तुलनामा मध्यपुरथिमि, सूर्यविनायक र चाँगुनारायण नगरपालिकामा मेयरको उम्मेदवार बन्ने नेताको लर्को लागेको हो ।

  • आरआरमा स्थगित स्ववियु निर्वाचन आगामी मङ्गलबार हुने

    आरआरमा स्थगित स्ववियु निर्वाचन आगामी मङ्गलबार हुने

    फागुन २३ गते स्थगित भएको प्रर्दशनीमार्गस्थित रत्नराज्यलक्ष्मी क्याम्पस (आरआर)को स्वतन्त्र विद्यार्थी युनियन (स्ववियु) निर्वाचन आगामी मङ्गलबार हुने भएको छ । क्याम्पस प्रमुख डा निर्मलकुमार सुवालले सूचना प्रकाशित गर्दै स्थगित भएको निर्वाचन आगामी मङ्गलबार हुने जानकारी गराएका हुन्।

  • चीनको विकासले नेपाललाई पनि सहयोग पुग्ने: प्रधानमन्त्री दाहाल

    चीनको विकासले नेपाललाई पनि सहयोग पुग्ने: प्रधानमन्त्री दाहाल

    प्रधानमन्त्री पुष्पकमल दाहाल ‘प्रचण्ड’ ले चीनको आर्थिक, सामाजिक विकासले नेपालको आर्थिक सामाजिक विकासमा ठूलो सहयोग पुर्‍याउने विश्वास व्यक्त गरेका छन्। बेइजिङस्थित नेपाली दूतावासले शनिबार साँझ आयोजना गरेको स्वागत कार्यक्रमलाई सम्बोधन गर्दै प्रधानमन्त्री ‘प्रचण्ड’ले चीनले नेपालमा शान्ति र विकास चाहेकोप्रति हामी सराहना व्यक्त गर्दछौँ भने।

  • उच्चस्तरीय छानबीन आयोग महोतरीमा

    उच्चस्तरीय छानबीन आयोग महोतरीमा

    तराई, मधेस, थरुहट आन्दोलनको क्रममा भएको घटनाहरु बारे सत्य तथ्य पत्ता लगाउन सरकारले पूर्वन्यायाधीश गिरीशचन्द्र लालको अध्यक्षतामा गठन गरेको उच्चस्तरीय छानविन आयोगले शनिबार र आईतबार महोत्तरीका पीडितसँग सोधपुछ तथा उजुरी संकलन गरेको छ।

  • मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    ऊर्जामन्त्री जनार्दन शर्माले सम्पूर्ण युवालाई जलविद्युत् उत्पादनको महाअभियानमा सहभागी भई मुलुकलाई आत्मनिर्भर बनाउने लक्ष्यका साथ अगाडि बढ्न आह्वान गरेका छन्। नेकपा (माओवादी केन्द्र)को सहायक सङ्गठन योङ कम्युनिष्ट लिग काठमाडौँको दोस्रो जिल्ला सम्मेलनलाई यहाँ आज उद्घाटन गर्दै मन्त्री शर्माले ‘नेपालको पानी जनताको लगानी’ भन्ने नारा सबै युवालाई जलविद्युत् क्षेत्रमा लगाउने लक्ष्यका साथ सरकारले अगाडि सारेको बताए।

लोकप्रिय

vianet

सूचनापाटी