सांसदहरूले महिनामा एकपटक प्रधानमन्त्री र दुई पटक मन्त्रीहरूलाई संसदमा सिधा प्रश्न गर्न पाउने

  • Get News Alerts

tata

व्यवस्थापिका संसदमा अब सांसदहरुले प्रधानमन्त्री र मन्त्रीसँग प्रत्यक्ष प्रश्न गर्न पाउने भएका छन्। व्यवस्थापिका संसदको बैठकले प्रत्यक्ष प्रश्नोत्तर सम्बन्धी आन्तरिक कार्यविधि २०७३ अनुमोदन भएसँगै प्रधानमन्त्री र मन्त्रीहरुसँग सांसदहरुले प्रत्यक्ष प्रश्न गर्ने बाटो खुलेको हो ।

प्रधानमन्त्रीको कार्यक्षेत्रभित्र रहेका मन्त्रालय र प्रधानमन्त्रीसँग प्रत्यक्षरुपमा सम्बन्धित विषयमा प्रश्न सोध्न सभामुखले प्रत्येक महिनाको दोस्रो आइतबारको समय निर्धारण गर्ने व्यवस्था गरिएको छ।

प्रश्नोत्तरको समय दुई घण्टाको रहनेछ। उक्त दिन कुनै कारणले बैठक बस्न नसकेमा त्यसपछि लगत्तै बस्ने बैठकको पहिलो दुई घण्टाको समय निर्धारण गर्न सक्ने व्यवस्था गरिएको  छ।

बढीमा पन्ध्र जना सांसदले मात्रै प्रधानमन्त्रीलाई प्रश्न गर्न सक्ने कार्यविधिमा उल्लेख छ ।

मन्त्रीहरुसँग प्रत्यक्ष प्रश्न गर्नका लागि प्रत्येक महिनाको दोस्रो र चौथो बुधबारको समय छुट्टाइएको छ। मन्त्रीहरुसँग प्रश्न गर्ने समय पनि दुई घण्टा नै रहेको छ। उक्त दिन बैठक नबसे लगत्तै बस्ने बैठकमा प्रश्नोत्तर हुने कार्यबिधिमा उल्लेख छ। एउटा बैठकमा दुई वटा मन्त्रालयसँग सम्बन्धित रहेर बढीमा बीस वटा प्रश्न सोध्न सकिने व्यवस्था गरिएको छ ।

प्रधानमन्त्री र मन्त्रीहरुलाई प्रश्न सोध्ने सांसदहरुले आफ्ना स्थानबाट उभिएर प्रश्न सोध्नुपर्ने व्यवस्था गरिएको छ ।

प्रश्नकर्ता सांसदले मुल प्रश्नसँग सम्बन्धित एक मात्र पुरक प्रश्न सोध्न सकिने कार्यविधिमा उल्लेख छ ।

प्रश्न सोध्ने सांसदहरुले आफ्नो प्रश्न र प्रश्नसँग सम्बन्धित मन्त्रीको नाम लिखित रुपमा पाँच दिन अगाडि संसदका महासचिबलाई बुझाउनुपर्नेछ ।

hundai

प्रतिकृया दिनुहोस

बिज्ञापन

थप समाचार

  • सहिद सप्ताह शुरू

    विक्रम संवत १९९७ माघ १० गते अर्थात् आजकै दिन सहिद शुक्रराज शास्त्रीले मुलुकमा प्रजातन्त्र प्राप्तिका लागि गरेको आन्दोलनको क्रममा टेकुस्थित पचलीमा जीवनको बलिदानी दिएका थिए। उनलाई तत्कालिन जहानियाँ राणा शासकले रुखमा झुण्डाएर मृत्युदण्ड दिएका थिए। यस्तै माघ १३ गते काठमाडौंको सिफलमा धर्मभक्त माथेमालाई र माघ १५ गते दशरथ चन्द ठाकुर तथा गंगालाल श्रेष्ठलाई शोभाभगवतीमा गोली हानी मृत्युदण्ड दिइएको थियो।

  • लोकमानलाई महाअभियोग लाग्न गाह्रो छः बिडारी

    लोकमानलाई महाअभियोग लाग्न गाह्रो छः बिडारी

    महाभियोग लाग्न सक्दैन होइन महाभियोग लगाउनै मिल्दैन। हामीले पेश गरेको प्रतिवेदन सदनले पास गरेमा नेपाल सरकारले त्यसलाई कार्यान्वयन गराउने हो। पदमुक्त भइसकेको व्यक्तिलाई फेरि पदमुक्त गर्नु पर्दैन। महाभियोग प्रस्ताव पेश भएको बेला अभियोग छानबिन गरेर ती कसुरहरू नेपालको संविधान विपरित, नेपालको प्रचलित कानुन, शक्ति पृथकीकरणको सिद्धान्त विपरित छ कि छैन यसलाई हेरेर हामी सिफारिस गर्छौ। विस्तृतमा

     

  • छोरीको बिहेमा हेलिकप्टर पठाएर गृहमन्त्री र पार्टी सभापतिलाई निम्ता

    छोरीको बिहेमा हेलिकप्टर पठाएर गृहमन्त्री र पार्टी सभापतिलाई निम्ता

    यादवले पठाएको एयर डाइनास्टीको हेलिकोप्टर चढेर उपप्रधान तथा गृह मन्त्री विमलेन्द्र निधि र कांग्रेस सभापति शेरबहादुर देउवा आइतबार रौतहटको बरियारपुर पुगेका थिए। गृह मन्त्री निधिले हेलिकोप्टरको व्यवस्था यादवले नै गरेको बताए। ‘उहाँले नै हामीलाई लिन हेलिकोप्टरको व्यवस्था गर्नु भएको हो’, निधिले भने,  ‘मन्त्रालय वा सरकारको पैसामा गएको होइन्।’

  • सार्क र बिमस्टेक बैठक यही माघमा हुँदै

    क्षेत्रीय सङ्गठन सार्क र बिमस्टेकको अध्यक्ष नेपालले यही माघ १९ र २० गते सार्क कार्यक्रम समितिको र २३ देखि २५ गतेसम्म बिमस्टेकका तीन तहका बैठक आयोजना गर्न लागेको हो । हरेक वर्ष कम्तीमा कार्यक्रम समितिका दुईवटा बैठक हुनुपर्ने सार्कको प्रावधानअनुसार सदस्य मुलुकका सहसचिव सम्मिलित ५३ औँ बैठक हुन लागेको परराष्ट्र मन्त्रालयको क्षेत्रीय सङ्गठन महाशाखा प्रमुख मणिप्रसाद भट्टराईले बताए।

  • प्रधानमन्त्रीले भने- वैशाखको तेस्रो सातामा स्थानीय चुनाव हुन्छ

    प्रधानमन्त्रीले भने- वैशाखको तेस्रो सातामा स्थानीय चुनाव हुन्छ

    प्रधानमन्त्री पुष्पकमल दाहालले वैशाखको तेस्रो साताभित्रै स्थानीय चुनाव हुने घोषणा गरेका छन् । आइतबार संसदीय पत्रकारिता पुस्तकको विमोचन गर्दै प्रधानमन्त्रीले अबको ६ दिन भित्र चुनाव मिति घोषणा गर्ने बताए।

hundai

लोकप्रिय

vianet

सूचनापाटी