संशोधन विधेयक टेबुलपछि अबको प्रक्रिया के हुन्छ?

skoda
  • Get News Alerts

united
tata

प्रमुख प्रतिपक्ष एमालेसहितका विपक्ष दल नौं दलको अवरोधका बीच सरकारले व्यवस्थापिका संसदमा संविधान संसोधन विधेयक पेश गरेको छ ।

आइतबार अपरान्ह पुन: बोलाइएको संसद बैठकमा एमालेसहितका विपक्ष नौं दलको नाराबाजीलाई समेत बेवास्ता गर्दै संविधान संसोधन विधेयक संसदमा पेश गरिएको हो। बैठक सुरु हुने बित्तिकै उपप्रधान तथा गृहमन्त्री विमलेन्द्र निधिको तर्फबाट कानुनमन्त्री अजयशंकर नायकले संविधान संसोधन प्रस्ताव संसदमा पेश गरेका थिए।

संविधान संशोधन विधेयक पेश गर्नुअघि मन्त्री नायकले निर्वाचनसम्बन्धी विधेयक टेबुल गरेका थिए।

कानुन, न्याय तथा संसदीय मामिला मन्त्री अजयशंकर नायकले संविधान संशोधनमा सबैको सहमति जुटाउन प्रयास गर्ने बताएका छन्। संविधान संशोधन विधेयक पेश पछि सेतोपाटीसँग कुरा गर्दै मन्त्री नायकले प्रमुख प्रतिपक्षी एमाले, मधेसी मोर्चाको समर्थनमा नै संशोधन विधेयक पारित गर्न सरकारले कोशिश गर्ने बताए।

सीमांकन, नागरिकता, भाषा र राष्ट्रिय सभाको प्रतिनिधित्वका विषयमा संविधानको संशोधन विधेयक टेबुल भएको हो। नवलपरासीको सुस्तादेखि बर्दियासम्मका तराईका जिल्लालाई ५ नम्बर प्रदेश बनाउने र पहाडी जिल्लालाई ४ नम्बर प्रदेशमा गाभ्नेगरी प्रस्ताव पेश भएको छ। झापा, मोरङ, सुनसरी, कैलाली र कञ्चनपुरलाई संघीय आयोगले मिलाउने विधेयकमा उल्लेख छ। आयोगलाई राज्य पुनःसंरचना आयोगको प्रतिवेदन, राज्य पुनःसंरचना समितिको प्रतिवेदन अनुसार अहिलेको सीमांकनसहितको सुझाव दिने कार्यविधि दिइएको छ।

विदेसी महिलाले बिबाह गरेपछि नागरिकता त्याग्ने प्रक्रिया सुरु गरेपछि नेपालको नागरिकता दिने गरी प्रस्ताव ल्याइएको छ। अंगीकृतको हकमा कुनै खालको व्यवस्था प्रस्ताव गरिएको छैन।

भाषाको विवादलाई भाषा आयोग बनाएर टुंगो लगाउने गरी प्रस्ताव गरिएको छ।

प्रत्येक प्रदेशबाट महिला, दलित, अपांग या अल्पसंख्यक एक, एक जना हुने र बाँकी जनसंख्याको आधारमा राष्ट्रिय सभामा प्रतिनिधित्व हुने प्रस्ताव गरिएको छ।

के हुन्छ अबको प्रक्रिया?

संसदमा पेश भएको संविधान संशोधन विधेयकलाई संविधानको व्यवस्था अनुसार जनातको जानकारीका लागि गोरखापत्रमा प्रकाशित गर्नुपर्नेछ।

आइतबार अबेर भएकाले सोमबार प्रकाशनका लागि पठाइने र मंगलबारको गोरखापत्रमा प्रकाशित हुने संसद सचिवालय स्रोतले सेतोपाटीलाई बतायो।

गोरखापत्रमा प्रकाशित भइसके पछि संसदमा सैद्धन्तिक छलफलको प्रक्रिया सुरू हुन्छ।

पुस मसान्तसम्म सैद्धान्तिक छलफल सुरू गर्ने संसद सचिवालयको तयारी छ।

सैद्धान्तिक छलफलका लागि चार दिन समय लाग्ने छ।

छलफलमा सबै सांसदले बोल्न चाहे समय पाउनेछन्। दलीय सहमति भएमा यो समय छोट्टिन पनि सक्छ। सैद्धान्तिक छलफलपछि तीन दिनसम्म संशोधनका लागि समय दिइने व्यस्था छ। संशोधन प्रस्तावसहितको छलफलका लागि बढीमा चार दिनको समय लाग्ने छ। संशोधन प्रस्तावसहितको छलफल सकिएपछि यसलाई निर्णयार्थ पेश गरिनेछ।

मत विभाजनद्वारा निर्णय गरिने व्यवस्था छ। संशोधन विधेयक पारित गर्नका लागि संसदको दुई तिहाइ बहुमत जरूरी पर्छ। संसदमा अहिले ५ सय ९४ जान सांसद छन्।

Hundai
fasino
sagoon

प्रतिकृया दिनुहोस

बिज्ञापन

थप समाचार

  • म कुनै म्यानपावरमा संलग्न छैनः शर्मिला पराजुली

    म कुनै म्यानपावरमा संलग्न छैनः शर्मिला पराजुली

    उनले आफूलाई मलेसियाबाट डिपोर्ट गरिएको भनेर समेत समाचार आएकोमा खेद व्यक्त गरिन्। पराजुलीले भनिन्,‘मेरो पासपोर्ट हेर्न सक्नुहुन्छ, यो गलत कुरा हो, हुन त मिडियाका साथीहरुले मसँग आएर केही सोधिदिए हुन्थ्यो भन्ने लागेको थियो, तर आउनुभएन्, म उहाँहरुलाई पनि दोष दिन चाहन्न, म सधँै आफ्नो बारे मिडियालाई बताउन चाहन्छु।’

  • प्रधानमन्त्रीले संविधान संशोधन प्रस्ताव फिर्ता लिनुपर्छः नेता नेपाल

    प्रधानमन्त्रीले संविधान संशोधन प्रस्ताव फिर्ता लिनुपर्छः नेता नेपाल

    नेकपा एमालेका वरिष्ठ नेता तथा पूर्व प्रधानमन्त्री माधवकुमार नेपालले संसद्मा दर्ता भएको संविधान संशोधन प्रस्ताव फिर्ता लिनुपर्ने बताएका छन्। जिल्लाको मुडिकुवा गाविसमा आज आयोजित बृहद् जनसभालाई सम्बोधन गर्दै नेता नेपालले संविधान संशोधन प्रस्ताव नेपालीको हितमा नभएको बताए। प्रधानमन्त्रीले उक्त प्रस्ताव तत्काल फिर्ता लिँदा वा त्यत्तिकै थन्क्याउँदा उत्तम हुने उनको भनाइ थियो ।

  • निर्धारित समयमा निर्वाचन हुन्छ- नेता खनाल

    प्रधानमन्त्री पुष्पकमल दाहाल ‘प्रचण्ड’का प्रमुख राजनीतिक सल्लाहकार चक्रपाणि खनालले निर्धारित समयमा निर्वाचन हुनेमा आशङ्का नगर्न आग्रह गरेका छन्।  रिपोर्टर्स क्लबले आज आयोजना गरेको साक्षात्कारमा खनालले मुलुक निर्वाचनतर्फ अगाडी बढेकाले निर्वाचन गर्नबाट कसैले पनि रोक्न नसक्ने बताए। स्थानीय तहको निर्वाचन भएपछि अरु निकायको पनि निर्वाचन हुने उहाँले विश्वास व्यक्त गरे।

  • सांसद सम्मेलन सुरु

    परराष्ट्रमन्त्री डा प्रकाशशरण महतले नेपालमा व्याप्त जातीय भेदभाव तथा छुवाछूत समस्या जतिसक्दो चाँडो अन्त्य गर्न सरकार प्रतिबद्ध रहेको बताएका छन्। एसियन दलित अधिकार मञ्चद्वारा आज यहाँ आयोजित ‘दक्षिण एसियाका दलित तथा गैरदलित सांसद सम्मेलन’ को उद्घाटन गर्दै मन्त्री महतले दलित समुदायले भोगिरहेको छुवाछूतको समस्या उनीहरूको मात्र समस्या नभएर समग्र नेपालको समस्या भएको र त्यसको अन्त्य गर्नेतर्फ सरकार लागिपरेको बताए। 

  • ग्रामीण क्षेत्रका बालबालिकामा शिक्षाको पहुँच बढाउन राष्ट्रपतिको जोड

    राष्ट्रपति विद्यादेवी भण्डारीले मङ्गलोदय माध्यामिक विद्यालयको स्वर्ण जयन्तीका अवसरमा विद्यालयद्वारा आज आयोजित विशेष समारोहमा स्वर्णसरस्वती स्तम्भ तथा नवनिर्मित भवनको उद्घाटन गरिन्। काठमाडौंको प्रमुख प्रवेशद्वार हाल चन्द्रगिरी नगरपालिका– ५ थानकोटमा रहेको सो विद्यालयले विसं २०२३ देखि मावि तहको अध्ययन अध्यापनको सुरुवात् गरेको थियो । गतवर्षको विनाशकारी भूकम्पले विद्यालयको भवनमा क्षति पुर्‍याएपछि करिब तीन करोडको लागतमा भवन निर्माण गरिएको हो ।

Hundai

लोकप्रिय

vianet

सूचनापाटी