एमाले रणनीति: बिरोधमा नारा लगाउने, टेवल गर्न नरोक्ने

  • Get News Alerts

united
संविधान संशोधन प्रस्ताव
tata

हिजोसम्म संविधान संशोधन प्रस्ताव कुनै हालतमा संसदमा टेवल हुन नसक्ने अडान लिएको प्रमुख प्रतीपक्षी दल एमालेले आज संशोधन विधेयक संसदमा पेश हुनबाट रोक्न कुनै प्रयास गरेन।

संशोधन प्रस्ताव बिरूद्ध उभिएर नाराबाजी त गर्‍यो तर रोक्न एक कदम पनि अघि बढेर प्रयास गरेन।

संविधान संशोधन विधेयक संसदमा पेश हुदै गर्दा प्रमुख प्रतीपक्षी नेकपा एमालेसहितका दलहरुले आफ्ना–आफ्ना स्थानबाट उठेर नाराबाजी गरेका थिए। तर कोहि पनि उठेर रोष्ट्रम घेर्न गएन, जबकि त्यो बिकल्प उनीहरुसँग उपलब्ध थियो।

संविधान संशोधन विधेयक पेश हुनुभन्दा पहिला स्थानीय तह निर्वाचन विधेयक र निर्वाचन (कसुर तथा सजाय) सम्बन्धी विधेयक पेश भएको थियो।

निर्वाचन सम्बन्धी दुई विधेयक संसदमा पेश हुँदै गर्दा प्रमुख विपक्षी एमाले लगायतका दलहरुले पनि सहमति जनाएका थिए। अख्तियार दुरुपयोग अनुसन्धान आयोगका निलम्बीत प्रमुख आयुक्त लोकमानसिंह कार्कीबिरुद्ध परेको महाअभियोग प्रस्तावलाई महाअभियोग सिफारिस समितिमा पठाउनका लागि पनि बिपक्षीहरुले सहमति जनाएका थिए। महाअभियोग प्रस्तावमाथीको छलफलका क्रममा बोल्ने सांसदहरुको नाम फिर्ता लिन एमाले संसदीय दलका प्रमुख सचेतक भानुभक्त ढकालले सांसदहरुलाई निर्देशन दिएका थिए।

निर्वाचन सम्बन्धी विधेयक पेश गर्न रोष्ट्रममा पुगेका कानुन न्याय तथा संसदीय मामिला मन्त्री अजय शंकर नायक रोष्ट्रमबाट तल नझरीकन रोष्ट्रममा नै बसेका थिए। संविधान संशोधन प्रस्तावमाथि विरोधका सूचना दर्ता गराएका नेपाल मजदुर किसान पार्टीका सांसद प्रेम सुवालले संविधान संशोधन विधेयक बिदेशीको इशारामा ल्याइएको भन्दै त्यसलाई फिर्ता लिनुपर्ने बताएका थिए।

सुवालको प्रस्तावलाई बहुमतले अश्विकार गरेको थियो । राष्ट्रिय जनमोर्चाका सांसद चित्रबहादुर केसीको विरोधको प्रस्ताव पनि बहुमतले अश्वीकार गरेको थियो।

कसरी भयो संसोधन प्रस्ताव दर्ता?

जब सभामुख ओनसरी घर्तीले कानुनमन्त्रीलाई संविधान संशोधन विधेयक संसदमा पेश गर्ने अनुमती दिइन्, विपक्षी दलका सांसदहरुले नाराबाजी शुरु गरे।

नारबाजीकै बिचमा कानुन मन्त्री नायकले संसदमा विधेयक पेश गरेका थिए। बिरोधका बिचमा विधेयक पेश भएपछि बिपक्षी दलका सांसदहरु वेल घेर्न आउँन लाग्दा एमाले सांसद अग्नी खरेलले अगाडि नजान संकेत गरेको एक सांसदले सेतोपाटीलाई बताए।

‘हामीले नाराबाजी गर्दै वेल घेरेको भए सरकारले पेश गर्न सक्ने थिएन,’ ती सांसदले भने, ‘सरकारले विधेयक पेश गर्ने बिपक्षीले त्यसको बिरोध गर्दै अनौपचारिकता पूरा गर्ने सहमति भएको हुनसक्छ ।’

पारित नहुने संशोधन प्रस्ताव अघि बढाउनका लागि सांकेतिक रुपमा सहमति दिएको हुनसक्ने अर्का एक सांसदले सेतोपाटीलाई बताए। ‘प्रस्ताव दर्ता भए पनि पारित भने हुन सक्ने सम्भावनाका कारण अघि बढ्न दिएको होला,’ ती सांसदले भने।

विपक्षीले बिरोध गर्दे गर्ने र सरकारले त्यसलाई पेश गर्ने अनौपचारिक सहमति भएको नेपाली कांग्रेसका बरिष्ठ नेता रामचन्द्र पौडेलले सेतोपाटीलाई बताए। ‘आगामी प्रक्रियाबारे पनि एमालेसँग छलफल गरेर अघि बढ्छौं,’ पौडेलले भने।

हेर्नुहोस् भिडियोमा

संशोधन टेवल भएपछि एमाले नेताको प्रतिक्रिया

संविधान विधेयक पेश भइसकेपछि आक्रोशित बनेका एमाले उपाध्यक्ष बामदेव गौतमले संसदीय अभ्यासका बिरुद्ध लाज्जासपद काम भएको प्रतिक्रिया दिए। ‘यो भन्दा निरंकुश शैली केही हुँदैन,’ गौतमले भने,‘हामी अरु जस्तो सांघातिक हमलामा उत्रिएनौं तर बिपक्षीको बिरोधका बिचमा पनि विधेयक पेश गरेर लोकतन्त्रकै अपमान भएको छ।’

एमाले संसदीय दलका प्रमुख सचेतक भानुभक्त ढकालले अवरोधका बिचमा विधेयक पेश गरेर सरकारले आफैंलाई अफ्ठेरोमा पारेको बताए। बिपक्षीले अब छलफलका आधारमा आफ्नो रणनीति तय गर्ने ढकालले बताए। सरकारले संशोधन विधेयक टेबुल गर्न मात्रै दिनुहोस त्यसले निर्वाचनको वातावरण बन्छ भनेको भन्दै अब सरकारले के गर्छ त्यसका आधारमा आफूहरू अघी बढ्ने एमाले नेता अग्नि खरेलले सेतोपाटीलाई बताए।

सभामुख घर्तीले बिगतको रूलिङभन्दा फरक ढंगले काम गरेको उनले बताए। ‘संसदमा टेबुल गर्न मात्रै दिनुहोस् भनेर उहाँहरुले हामीलाई भन्नुभएको थियो। आज हाम्रो असहमतिका बिचमा पनि टेबुल भएको छ,’ उनले भने,‘अब सरकार कसरी प्रस्तुत हुन्छ त्यो अनुसार हामी अघि बढ्छौ।’

पारित गर्नकै लागि विधेयक ल्याएको होः कानुनमन्त्री

कानुन न्याय तथा संसदीय मामिला मन्त्री अजय शंकर नायकले सरकारले ल्याएको संविधान संशोधन विधेयक पारित हुने दाबी गरेका छन् । विधेयकका विषयमा छलफल गरेर अघि बढ्ने र यसलाई पारित गर्ने नायकले बताए ।

‘संविधान जारी गर्ने समयमा पनि यस्तै विरोध भएको थियो,’ नायकले भने, ‘प्रतिपक्षको बिरोध भन्दा राष्ट्रको आवश्यक्ता ठूलो हो ।’

संविधान संशोधन विधेयक पारित हुन एक महिना लाग्ने समेत उनले बताए।

Hundai
nic asia

प्रतिकृया दिनुहोस

बिज्ञापन

थप समाचार

  • भक्तपुरमा मेयरका प्रत्याशीहरुबाट भोट माग्नै सुरु

    भक्तपुरमा मेयरका प्रत्याशीहरुबाट भोट माग्नै सुरु

    जिल्ला तहदेखि केन्द्रीय तहसम्मका नेताकहाँ आफूले टिकट पाउनुपर्ने दाबी गर्दै विभिन्न दलका नेताहरु धाउन थालेका छन् । जिल्लाका चारवटा नगरपालिकामध्ये भक्तपुर नगरपालिकाको तुलनामा मध्यपुरथिमि, सूर्यविनायक र चाँगुनारायण नगरपालिकामा मेयरको उम्मेदवार बन्ने नेताको लर्को लागेको हो ।

  • आरआरमा स्थगित स्ववियु निर्वाचन आगामी मङ्गलबार हुने

    आरआरमा स्थगित स्ववियु निर्वाचन आगामी मङ्गलबार हुने

    फागुन २३ गते स्थगित भएको प्रर्दशनीमार्गस्थित रत्नराज्यलक्ष्मी क्याम्पस (आरआर)को स्वतन्त्र विद्यार्थी युनियन (स्ववियु) निर्वाचन आगामी मङ्गलबार हुने भएको छ । क्याम्पस प्रमुख डा निर्मलकुमार सुवालले सूचना प्रकाशित गर्दै स्थगित भएको निर्वाचन आगामी मङ्गलबार हुने जानकारी गराएका हुन्।

  • चीनको विकासले नेपाललाई पनि सहयोग पुग्ने: प्रधानमन्त्री दाहाल

    चीनको विकासले नेपाललाई पनि सहयोग पुग्ने: प्रधानमन्त्री दाहाल

    प्रधानमन्त्री पुष्पकमल दाहाल ‘प्रचण्ड’ ले चीनको आर्थिक, सामाजिक विकासले नेपालको आर्थिक सामाजिक विकासमा ठूलो सहयोग पुर्‍याउने विश्वास व्यक्त गरेका छन्। बेइजिङस्थित नेपाली दूतावासले शनिबार साँझ आयोजना गरेको स्वागत कार्यक्रमलाई सम्बोधन गर्दै प्रधानमन्त्री ‘प्रचण्ड’ले चीनले नेपालमा शान्ति र विकास चाहेकोप्रति हामी सराहना व्यक्त गर्दछौँ भने।

  • उच्चस्तरीय छानबीन आयोग महोतरीमा

    उच्चस्तरीय छानबीन आयोग महोतरीमा

    तराई, मधेस, थरुहट आन्दोलनको क्रममा भएको घटनाहरु बारे सत्य तथ्य पत्ता लगाउन सरकारले पूर्वन्यायाधीश गिरीशचन्द्र लालको अध्यक्षतामा गठन गरेको उच्चस्तरीय छानविन आयोगले शनिबार र आईतबार महोत्तरीका पीडितसँग सोधपुछ तथा उजुरी संकलन गरेको छ।

  • मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    मुलुकलाई आत्मनिर्भर बनाउन युवा शक्ति जलविद्युत् उत्पादनमा लाग्नुपर्छ – मन्त्री शर्मा

    ऊर्जामन्त्री जनार्दन शर्माले सम्पूर्ण युवालाई जलविद्युत् उत्पादनको महाअभियानमा सहभागी भई मुलुकलाई आत्मनिर्भर बनाउने लक्ष्यका साथ अगाडि बढ्न आह्वान गरेका छन्। नेकपा (माओवादी केन्द्र)को सहायक सङ्गठन योङ कम्युनिष्ट लिग काठमाडौँको दोस्रो जिल्ला सम्मेलनलाई यहाँ आज उद्घाटन गर्दै मन्त्री शर्माले ‘नेपालको पानी जनताको लगानी’ भन्ने नारा सबै युवालाई जलविद्युत् क्षेत्रमा लगाउने लक्ष्यका साथ सरकारले अगाडि सारेको बताए।

लोकप्रिय

vianet

सूचनापाटी