व्यवस्थापिका संसदको शुक्रबार बसेको वैठक विपक्षी दलहरुको अवरोधका कारण स्थगित भएको छ।
संविधान संशोधनमा पूर्ण असहमति जनाउँदै आएको नेकपा एमाले र अन्य ६ पार्टीहरुको अवरोधका कारण वैठक स्थगित भएको हो।
वैठक सुरु हुनासाथ विपक्षी पार्टीहरुले अवरोध गरेपछि सभामुख ओनसरी घर्ती मगरले आगामी मंसिर ३० गते बिहान ११ बजेसम्मका लागि स्थगित गरेको जानकारी दिइन्।
सरकारले पाँच नम्बर प्रदेशका पहाडी र तराईका जिल्ला अलग गराउनेसहितको सीमांकन हेरफेर गर्दै संविधान संशोधन प्रस्ताव दर्ता गरेपछि विपक्षी दलहरुले विरोध गर्दै आएका छन्।
संविधान संशोधन प्रस्ताव दर्ता भएपछि वैठक स्थगित भएको यो पाँचौ पटक हो।
