नयाँ शक्ति नेपालका केन्द्रीय संयोजक डा.बाबुराम भट्टराईलाई लक्षित गरी बिहीबार पोखरामा जुत्ता प्रहार भएको छ । पोखराको पृथ्वीनारायण क्याम्पसमा नयाँ शक्ति पार्टी निकट नयाँ शक्ति विद्यार्थी युनियनले आयोजना गरेको कार्यक्रममा भट्टराईबिरुद्ध कालो झण्डा देखाउँदै जुत्ता प्रहार भएको हो ।
पूर्व प्रधानमन्त्रीसमेत रहेका डा.भट्टराईलाई कैलाली नारायणपुरका २९ वर्षीय सञ्जीव भट्टराईले जुत्ता प्रहार गरेको प्ररहीले जनाएको छ।
जुत्ता प्रहार गर्ने भट्टराई सोही क्याम्पसमा अर्थशास्त्र विषयका एम.ए. गरिरहेका विद्यार्थी हुन्।
घटना लगत्तै कार्यक्रमा सहभागी विद्यार्थीहरुले उनलाई कुटपिट गरेका थिए । त्यसपछि सञ्जीव भट्टराईलाई प्रहरीले नियन्त्रणमा लिएर वडा प्रहरी कार्यालय बगरको हिरासतमा राखेको छ।
उनले प्रहरी समक्ष नेताहरुले देश विगारेका कारण वितृष्णा जागेकाले जुत्ता हानेको बताए। उनले जुन सुकै ठूला पार्टीका ठूलो नेता भएको भए पनि प्रहारा गर्ने उनको लक्ष्य रहेको प्रहरीसमक्ष बयान दिएका छन्।
उनी पोखरा ११ फुलबारीमा मासुको पसल सञ्चालन गर्छन् भने बिहान क्याम्पस पढ्ने गरेका छन्।