नेपाली कांग्रेस बाँफिकोट गाउँ इकाइ सभापति नरबहादुर चन्दको घरमा एमाओबादी कार्यकर्ताले आक्रमण गरि तीन जनालाई गम्भीर घाइते बनाएका छन्।
घाईतेहरू बाँफिकोट २ का नेविसंघ कार्यकर्ता मुगा मल्ल, डिलबहादुर खत्री, निराजन मल्ल रहेका छन्।
काँग्रेस बाँफिकोट सचिव सिताराम के.सी र नेविसंघ इकाई सखस्य चिरञ्जीवी मल्लको अवस्था अहिलेसम्म अज्ञात रहेको छ।
आक्रमणकारीहरू एमाओवादी कार्यकर्ता रहेको र केहीको पहिचान खुलेको र केही मुकुण्डोधारी रहेको काँग्रेस कार्यकर्ता तिर्खाललाल रिजालले जानकारी दिए।
बाँफिकोटको भोटेनीगारे, बह्रमाथान र स्यार्पुदह नजिक बिष्पोटको आवाज आँउने वित्तिकै चन्दको घरमा रहेको काँग्रेसको टोली र स्यार्पुदहस्थित तरुनदलको सर्म्पक कार्यालयमा एकै समयमा आक्रमण भएको काँग्रेस बाँफिकोट सभापति नर बहादुर चन्दले जानकारी दिए।
दुवै स्थानमा दुवै पक्षविच दोहोरो ढुङा हानाहान भएको थियो ।
यसैविच मग्मामा पनि राप्रपाका खम्बु खत्रीमाथिसमेत एमाओवादी कार्यकर्ताहरुले आक्रमण गरेका छन।
अहिले उक्त स्थानलाई सशस्त्र प्रहरीले नियन्त्रणमा लिने प्रयास गर्पनि वाईसिएल कार्यकर्ताहरुले शसस्त्र प्रहरीलाई समेत अवरोध गरिरहेको बुझिएको छ। बाँफिकोट वैद्य पक्षको बलियो उपस्थिति रहेपनि एमाओवादीले नै बहिष्कारबादी गतिविधि गरीरहेको छन।
केही समय अघिमात्र काँग्रेस कार्यकर्ताहरुलाई खुटटा काटने ,घरमा बम हान्ने र ज्यान लिने धम्की दिएको काँग्रस कार्यकर्ताहरुले बताएका छन। गत शनिवारमात्र एमाओवादी कार्यकर्ताहरुले नेिवसंघ थापाथली क्याम्पस इकाई सहसचिव डम्बर के.सीलाइृ खुकुरी प्रहार गरी गम्भिर घाईते बनाएका थिए।